APOCALIPSIS 11:13 - Nuevo Testamento en Quichua Cañar 1996

¹³ Chai pachallatac yallita allpa chucchucpimi, chai pueblopi cac huasicunamantaca chungamanta shuc urmarca. Chashna urmacpica, canchis huaranga gentecunami huañurca. Mana huañushca gentecunaca manchaillahuantacmi jahua pacha Taita Diostaca “allimari cangui” nircacuna.

Dios Rimashcata Quillcashcami

¹³ Chai pachaca allpami yallita chucchurca. Shina tucucpica chai pueblota chungapi chucpishcamanta shuc parte urmacpimi canchis huaranga gentecuna huañurca. Mana huañushca gentecunaca manchaihuanmi jahua pacha Diosta alli nircacuna.

APOCALIPSIS 11:13 Iomraidhean Croise

SAN JUAN 9:24

Shina nicpi, cutin chai ñahui mana ricuc cashca runata mandac israelcuna c'ayashpaca: —Diospac ñaupapi mana llullashpa huillai. Ñucanchicca chai runataca juchayuc cashcatami yachanchic— nircacuna.

HECHOS 1:15

Chai punzhacunapica, Jesusta criccunaca pasac ishcai chunga shinami tandanacushca carcacuna. Paicunapac ñaupapimi Pedroca shayarishpa cashna nirca:

APOCALIPSIS 11:11

Ashtahuanpish quimsa punzha chaupi tucucpica, causaita cuc espirituta Dios cachacpimi, paicunaca causarishpa jatarircacuna. Shinallatac chaita ricuccunaca yallitami mancharircacuna.

APOCALIPSIS 11:19

Shina cacpica jahua pachapi tiyac Diosman mañana huasimi pascarirca. Chaipica Dioshuan ari ninacushcata huacaichina cajonmi ricurirca. Chashna ricuricpica urcucuna tulun nishcapish, rimashcacunapish uyarircami. Relampa achic nishcapish ricurircami. Allpapish chucchurcami, shinallatac ima mundo rundupish urmarcami.

APOCALIPSIS 14:7

Chai ángel sinchita huillashpaca: —¡Taita Dios taripana punzhaca ñami pactamushca! Shina cashcamanta Taita Diosta manchaichic, shinallatac paita alli nichic. ¡Cai pachatapish, jahua pachatapish, mama cucha yacutapish, shinallatac tucyacuc yacutapish ruhuacta alli nichic!— nirca.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Shina cashcamantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca— nicurcacuna.

APOCALIPSIS 19:7

Pactalla Ovejapac*f** cazarana bodaca ñami chayamushca. Paipac huarmipish ña allichirishcami. ¡Chaimanta cunanca yallita cushicushpa, Taita Diostaca ‘sumacmari cangui’ nishunchic!

APOCALIPSIS 3:4

Shina cashpapish Sardis pueblopi causac cancunapurapica, churanacunata mana mapayachishcacunaca taucacunami tiyan. Paicunaca japina cashcamantami, ñucahuan yuraclla churana churashca puringacuna.

APOCALIPSIS 6:12

Sucta niqui unanchishcata Pactalla Oveja pascacpica, allpa ima mundo chucchucpi, intipish yana churanata churarishca shina tucucpi, quillapish pucayashpa yahuar shina tucurca.

APOCALIPSIS 8:5

Chaimanta ángel incienso churanata japishpaca, altarpi tiyac nina brazasta jundachishpami cai pachaman shitarca. Chashna shitacpica, urcucuna tulun nishcapish, rimashcacunapish uyarircami. Relampa achic nishcapish ricurircami, shinallatac allpapish chucchurcami.