3 JUAN 1:3 - Nuevo Testamento en Quichua Cañar 1996

³ Maijan criccuna shamushpa “cashcata nic huillashcata uyashpa allimi c'aticun” nishpa canmanta huillacpimi, ñucaca yallita cushicurcani.

Dios Rimashcata Quillcashcami

³ Maijan criccuna shamushpa “cashcata nic huillashcata uyashpa allimi caticun” nishpa canmanta huillacpimi, ñucaca yallita cushicurcani.

3 JUAN 1:3 Iomraidhean Croise

HECHOS 1:15

Chai punzhacunapica, Jesusta criccunaca pasac ishcai chunga shinami tandanacushca carcacuna. Paicunapac ñaupapimi Pedroca shayarishpa cashna nirca:

1 CORINTIOS 13:6

Shinallatac shuccuna ima mana allita ruhuashcata ricushpapish mana cushicucchu, ashtahuanpish alli cacta ricushpa cushicucmi.

GÁLATAS 6:10

Chaimanta imata ruhuanalla cacpica, tucuiman allita ruhuashpa c'atishunlla. Tucuimanta yallica criccunaman allita ruhuashun.

FILIPENSES 1:4

Cancunaca callari punzhamanta pachami, quishpirinamanta alli huillaita ñuca huillacucpica, cunancaman ñucahuan pacta allita ruhuacushcanguichic. Chaimantami Taita Diosman ñuca mañacushpaca, tucui cancunamanta cushicuihuan mañani.

2 JUAN 1:2

Chai cashcata nic huillashcaca ñucanchic shungupimi causacun. Chaica mana chingaringachu. Chaimantami cancunataca c'uyani.

2 JUAN 1:4

Taita Dios ñucanchicta mandashca shina, cancunapurapi maijancuna cashcata nic huillashcata crishpa causacushcata yachashpami, yalli cushicuni.

3 JUAN 1:10

Chashna cashcamantami ñuca rishpaca, ñucanchicta huashalla parlota ruhuashpa, llullashpa puricuctaca yuyachishpa rimasha. Ashtahuanpish mana chaillatachu ruhuacun. Maijan criccuna pozachichun nicpipish, mana chaquisha ninchu. Shinallatac criccunata chasquishun niccunatapish, tandanacushca criccunamanta llucchishpa cachanmi.

3 JUAN 1:2

C'uyashca Gayo, ima shinami Taita Diospac ñaupapi alli cangui, shinallatac cambac tucui causaipipish alli cachun nishpami, Taita Diosman mañani.

3 JUAN 1:4

Ñuca huahuacuna cashcata nic huillashcata uyashpa alli c'aticucta yachashpami, tucuimanta yalli cushicuni.

3 JUAN 1:5

C'uyashca Gayo, criccunaman allita ruhuacushcamantaca allimi cangui. Shinallatac shuctac llactamanta shamuccunamanpish allitami ruhuacungui.