2 JUAN 1:2 - Nuevo Testamento en Quichua Cañar 1996

² Chai cashcata nic huillashcaca ñucanchic shungupimi causacun. Chaica mana chingaringachu. Chaimantami cancunataca c'uyani.

Dios Rimashcata Quillcashcami

² Chai cashcata nic huillashcaca ñucanchic shungupimi causacun. Chaica mana chingaringachu. Chaimantami cancunataca cuyani.

2 JUAN 1:2 Iomraidhean Croise

SAN JUAN 14:16

Cancunaman shuctac Cushichicta cachachun, ñuca Taitaman mañashami. Chai Cushichicca huiñaitami cancunahuanca canga.

SAN JUAN 15:7

Cancuna ñucahuan cashpa, shinallatac ñuca yachachishcacunata cazushpa c'atirashpaca, imatapish mañaichiclla, ñuca Taitaca cungallami.

1 CORINTIOS 9:23

Chai shina alli huillaita huillashpaca, chai huillashca allicunata cusha nishcata japingapacmi, chashnaca tucuni.

2 CORINTIOS 4:5

Ñucanchicca mana ñucanchic quiquinllamantatacchu huillacunchic, ashtahuanpish Apunchic Jesús Mandac cashcatami huillacunchic. Ñucanchicca Jesusta c'uyac cashcamantami, cancunata serviccuna canchic.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuchuan yachachinacushpa, c'atina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Taita Diosta pagui nishpa “allimari cangui” nishpa cantaichic.

2 TIMOTEO 1:5

Can mana nic tucushpa, alli cric cashcataca yachanimi. Cambac aila Loidapish, cambac mama Eunicepish chashnallatacmi cric carca. Canpish chashnallatac cric cashcataca yachanimi.

2 PEDRO 1:12

Chaimanta tucui caicunata cancuna yachacpipish, cashcata nic yachachishcata allita c'aticucpipish, punzhantami yuyachicushalla.

1 JUAN 1:8

“Ima juchata mana charinchicchu” nishpaca, ñucanchicllatacmi pandaricunchic. Shina cacpimi ñucanchic shungupica cashcata ruhuashpa causana yuyaica mana tiyan.

1 JUAN 2:14

Taitacuna, ima manarac tiyacpi Pai ña tiyashcata cancuna ricsishcamantami, cancunamanca quillcani. Q'uipa huiñaicuna, cancuna sinchi cashcamanta Dios rimashca shimita chasquishpa shungupi huacaichishcamanta, shinallatac diablota mishashcamantami, cancunamanca quillcani. Huahuacuna, Taita Diosta ricsishcamantami cancunamanpish quillcani.

1 JUAN 2:17

Cai pachaca tucui ima tiyashca millai munaicunandicmi chingaringa, ashtahuanpish Dios munashcata ruhuacca huiñaitami causanga.