2 CORINTIOS 13:3 - Nuevo Testamento en Quichua Cañar 1996

³ Chashna cacpimi Cristo ñucata huillachicushcatatac yachanguichic. Cancunapurapi cac Cristoca imata mana ruhuaipac shinaca mana canchu, ashtahuanpish imatapish ruhuaclla cashcatami ricuchicun.

Dios Rimashcata Quillcashcami

³ Chashna cacpimi Cristo ñucata huillachicushcatatac yachanguichic. Cancunapurapi cac Cristoca imata mana ruhuaipac shinaca mana canchu, ashtahuanpish poderta charishcatami ricuchicun.

2 CORINTIOS 13:3 Iomraidhean Croise

SAN MATEO 10:20

Chaica, mana cancunapac yuyaimantachu rimanguichic, ashtahuanpish cancunapac Taita Dios cushca paipac Espiritumi, cancunamanca rimana yuyaita cunga.

SAN LUCAS 21:15

Ñucallatacmi cancunamanca imata rimana alli yuyaicunata cusha. Chashna allita rimacpica, cancunata p'iñaccunaca mana imata ni pudishpa, upalla saquiringacunallami.

1 CORINTIOS 7:40

Chashna cacpipish ñuca yuyaipica mana cutin cazarashpami, ashtahuan cushi causanman yuyanimi. Caitaca Diospac Espíritu ñucamanpish yuyaita cushcamantami nicuni.

2 CORINTIOS 10:1

Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa imatapish rimaricllashi cani nicucpipish, Cristo llaquishpa c'uyashcamantami cashna nishpa mañani:

2 CORINTIOS 10:4

Ñucanchic charicushca imapish macanacunaca mana cai pachapi tiyac shinachu, ashtahuanpish imatapish ruhuaclla Taita Diosmanta cashpami, jatun pirca shina jarcaccunata tucui chingachipaclla can. Chashnami juchanchiccunatapish,

2 CORINTIOS 12:12

Ñucaca mana p'iñarishpa alli shunguhuan llaquicunata apashpapish, pi mana ruhuaipaccunata, pi mana ricushcacunata ruhuashcataca cancunallatacmi ricurcanguichic. Chashna ruhuashcacunami ñucata Jesús acllashca huillac cashcatatac ricuchicun.

2 CORINTIOS 2:10

Maijanta cancuna perdonacpica, ñucapish perdonanimi. Imapish mana perdonashca cacpica, cancunata llaquishcamantami Cristopac ñaupapi chai shinaca ña perdonarcani.

2 CORINTIOS 2:6

Chai llaquichic runataca cancunapuramantaca taucacunami ña llaquichishcanguichic. Chaimanta ña chailla allimi.

2 CORINTIOS 9:8

Taita Diosca imatapish ruhuaclla cashpami, cancunapac imalla illashcata punzhanta charichunca, tucui laya allicunata cunga. Chashna charishpaca, tucui laya alli ruhuaicunata ruhuangapacmi, yalli yalli charinguichic.