1 JUAN 5:6 - Nuevo Testamento en Quichua Cañar 1996

⁶ Apunchic Jesucristo shamushcataca yacupish, yahuarpish ricuchinmi. Mana pai bautizarishca yacullachu ricuchin, ashtahuanpish pai huañushca yahuarpish ricuchinmi. Cashcata nic Diospac Espiritullatacmi caicunataca ricuchin.

Dios Rimashcata Quillcashcami

⁶ Apunchic Jesucristo shamushcataca yacupish, yahuarpish ricuchinmi. Mana pai bautizarishca yacullachu ricuchin, ashtahuanpish pai huañushca yahuarpish ricuchinmi. Cashcata nic Diospac Espiritullatacmi caicunataca ricuchin.

1 JUAN 5:6 Iomraidhean Croise

SAN MATEO 26:28

Cai vaso vinoca, achcacunapac juchacunata perdonashpa quishpichingapac jichana ñuca yahuarmi. Chaihuanmi Taita Diosca shuc mushuc ari ninacuita pactachigrin.

SAN MATEO 3:16

Jesusca bautizancami yacumanta llucshirca. Shina llucshishpaca, jahua pacha pascaricpi, Diospac Espíritu paloma shina paipac jahuaman uriyamucuctami ricurca.

MARCOS 14:24

Chai q'uipaca Jesusca: —Caica, achcacunata quishpichingapac jichana ñuca yahuarmi. Chaihuanmi Taita Diosca shuc mushuc ari ninacuita pactachigrin.

SAN LUCAS 22:20

Shinallatac pascua micuita micushca q'uipaca, vaso vinota japishpami, Jesusca: —Cai vaso vinoca, cancunata quishpichingapac jichana ñuca yahuarmi. Chaihuanmi Taita Diosca shuc mushuc ari ninacuita pactachigrin.

SAN JUAN 14:17

Paica cashcata nic Diospac Espiritumi. Cai pachapaclla causaccunaca paita mana ricsishcamantapish, mana ricushcamantapish mana chasquinata pudinchu. Shina cacpipish cancunaca cancunapi causacushcamantapish, huiñaita causagricushcamantapish paitaca ña ricsinguichicmi.

SAN JUAN 14:6

Shina nicpi Jesusca: —Ñucami cashcatatac nicpish, Diospacman pushacpish, shinallatac causaita cucpish cani. Ñucallamantami Taita Diospacmanca chayangacuna.

SAN JUAN 15:26

Ashtahuanpish Taitamanta ñuca cachashca Cushichic Diospac Espíritu shamushpami, ñuca ima shina cashcataca huillanga. Paica cashcata nicmi.

SAN JUAN 16:13

Cashcata nic Diospac Espíritu shamushpami, cancunamanca imapish cashcata yachachinga. Paica mana paipac munaillamantachu rimanga, ashtahuanpish ima uyashcallatami huillanga. Shinallatac tucui imalla tucugricushcatapish yachachingami.

SAN JUAN 3:5

Shina nicpi, Jesusca cashnami nirca: —Maijanpish yacuhuan, Diospac Espirituhuan mana huacharicca, Dios mandacucmanca manatac yaicungachu. Chaica chashnatacmi canga.

SAN JUAN 4:10

Shina nicpi Jesusca: —Canca Taita Dios imata cusha nicushcatapish, shinallatac pi yacuta mañacushcatapish mana yachanguichu. Yachashpacarin, canracmi ñucaman ‘yacuta carai’ nishpa mañanguiman. Chashna mañacpica, causaita cuc yacutami cuiman— nirca.

SAN JUAN 4:14

Ashtahuanpish ñuca cusha nishca yacuta maijanpish ubiacca, jaicapi mana yacunachingachu. Ñuca cusha nishca yacuca paipica huiñai causaita cuc, tucyacuc yacu shinami tiyanga— nirca.

SAN JUAN 6:55

Chaimanta ñuca aichatapish micunatacmi, ñuca yahuartapish ubianatacmi can.

HECHOS 8:36

Ña yacu cuchuta ricushpami, chai runaca: —Riqui, caipica yacu tiyashcami. ¿Manachu ñucaca bautizari pudini?— nirca.

ROMANOS 3:25

Taita Diosca Jesucristotaca paipac yahuarta jichashpa, juchacunamanta quishpichichunmi cacharca. Quishpirinataca Jesucristota crishpallami chasquinchic. Chashnami Taita Diosca ñucanchic ñaupa juchacunata perdonashpa, ima shina paihuan alli tucuna cashcata ricuchisha nishca. Chashnaca pai mana p'iñaric cashcamantami ruhuarca.

EFESIOS 1:7

Taita Diosca mai c'uyashcamantami, paipac Churi yahuarta jichashcamanta ñucanchictaca huatashca shinamanta cacharichishpa, juchacunata perdonarca.

COLOSENSES 1:4

Jesucristota crishcata shinallatac Diospaclla cac tucui criccunata c'uyac cashcata yachashpami, chashnaca pagui ninchic.

1 TIMOTEO 3:16

Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.

TITO 3:5

ñucanchicta quishpichirca. Mana ñucanchic ima allita ruhuashcamantachu quishpichirca, ashtahuanpish ñucanchicta llaquishcallamantami quishpichirca. Taita Diosca paipac Espirituhuan tucui juchacunamanta chuyayachishpami, mushuc causaita curca.

HEBREOS 10:29

Ashtahuanpish Diospac Churita saruc shinacunata, paipac jichashca yahuarta yangapi churashpa, Diospac c'uyac Espirituta c'amishpa rimaccunataca, chaita yallimi llaquichishca canga. Chai yahuarmi mushuc ari ninacuitaca pactachin. Shinallatac chai yahuarllatacmi juchata p'ichan.

HEBREOS 12:24

Mushuc ari ninacuita pactachic Jesuspacman, shinallatac pai ñucanchicmanta jichashca yahuarmanmi chayarcanguichic. Chai yahuarmi Abelpac yahuarta atishpa, Dios ruhuasha nishcata ashtahuan allita ricuchin.

HEBREOS 13:20

Ñucanchic Apunchic Jesustaca, sumac causaita cuc Taita Diosmi huañushcacuna puramanta causachirca. Taita Dioshuan huiñaipac ari ninacushcata pactachic yahuarta jichashcamantami, paica ovejacunapac michic shina ñucanchic Jatun Michic can.

HEBREOS 9:14

Shina cacpica, ¡Apunchic Jesuspac yahuarcarin, tucuimanta yalli valishcami! Paica huiñai huiñaita causacuc Diospac Espirituhuan cashpami, ima millaita mana ruhuac cashpapish, pai quiquinllatac Diosman curishpa huañurca. Paipac yahuarmi ñucanchic yuyaicunahuan mana allita ruhuashpa, huañuiman ricucpi p'ichashpa, causacuc Diosta servicta ruhuan.

HEBREOS 9:7

Ashtahuanpish chai yaicushcalla ucumanta, q'uipa ucumanca curacunata jatun mandac curallami huatapi shuc cutinlla yaicuc carca. Chaiman yaicushpaca, pai quiquinpac juchamantapish, imatapish mana yachashpa gentecuna juchallishcamantapish, Diosman cungapac animalcunata huañuchishca yahuartami apashpa yaicuc carca.

1 PEDRO 1:2

Cancunataca Taita Diosmi ña ñaupamanta pacha pai munashca shina paipac huahuacuna cachun acllashca. Taita Diosca paita c'uyashpa causachun, shinallatac Jesucristopac yahuarhuan chuyayachishca cachunmi, cancunata paipac Espiritumanta paipacllatac ruhuashca. Taita Dios mai c'uyashpa, cancunaman sumac causaita yallita cushca cachun ninimi.

1 PEDRO 3:21

Shinallatac chai yacuca bautizarinatami ricuchicurca. Jesucristo huañushcacunapuramanta causarishcamantami, yacupi bautizarishpaca cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Taita Diosman mañana yuyaicunatami cun.

1 JUAN 1:7

Ashtahuanpish Taita Dios achic luzpi cac shinallatac ñucanchicpish achicpi causacushpaca, shuc shinallami caishuc chaishuchuan canchic, shinallatac paipac Churi Jesucristopac yahuarca tucui juchacunatami p'ichan.

1 JUAN 4:10

Mana ñucanchicchu Diosta c'uyashcanchic, ashtahuanpish Taita Diosmari ñucanchictaca c'uyashpa, paipac Churita ñucanchic juchacunamanta huañushpa juchacunata p'ichachun cacharca. Chai c'uyaimi tucuimanta yallica.

APOCALIPSIS 1:5

Shinallatac cai pachapi tiyac jatun mandaccunata Mandac, huañushcacunapuramanta punta causaric Jesucristo cancunaman sumac causaita cuchunmi munani. Paica Diosmanta allita huillacmi. Jesucristoca c'uyac cashpami paipac yahuarta jichashpa, juchapi huatashca shina causacucpi ñucanchictaca cacharichirca.

APOCALIPSIS 5:9

Shinallatac shuc mushuc cantota cantashpaca: —Canllami unanchishcacunata p'itishpa, pillushca p'angata pascaipacmi cangui. Canca huañushpami, Taita Diospac cachun tucui aillucunamantapish, tucui laya rimaita rimaccunamantapish, tucui llactacunamantapish, tucui laya gentecunamantapish cambac yahuarhuan randishpa tandachishcangui.

APOCALIPSIS 7:14

Shina tapucpica: —Amito, canllatac yachanguimi— nircanimi. Shina nicpi paica cashnami nirca: —Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacsharishcamanta yuraclla tucushcacunami.