1 JUAN 5:20 - Nuevo Testamento en Quichua Cañar 1996

²⁰ Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

Dios Rimashcata Quillcashcami

²⁰ Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

1 JUAN 5:20 Iomraidhean Croise

SAN MATEO 13:11

Chashna tapucpimi Jesusca: —Taita Diosca pai mandacucmantaca, pimanpish mana yachachishcatami cancunamanca yachachishca, ashtahuanpish shuccunamanca mana chashna yachachishcachu.

SAN LUCAS 21:15

Ñucallatacmi cancunamanca imata rimana alli yuyaicunata cusha. Chashna allita rimacpica, cancunata p'iñaccunaca mana imata ni pudishpa, upalla saquiringacunallami.

SAN LUCAS 24:45

Shina nishpaca, paicunaman yuyaita cushpami, Dios quillcachishcata alli yachachirca.

SAN JUAN 1:18

Taita Diostaca jaicapi pi mana ricushcachu. Shina cacpipish Taita Dioshuan shuc yuyailla causac, paipac shuclla Churi Diosllatac cashpami, Taita Dios ima shina cashcataca ricuchirca.

SAN JUAN 10:30

Ñuca Taitahuanca shuc shinallami canchic— nirca.

SAN JUAN 14:20

Chai punzhami ñuca Taitahuan shuclla cashcata, shinallatac cancunaca ñucahuan, ñucaca cancunahuan shuclla cashcata yachanguichic.

SAN JUAN 14:23

Shina nicpimi, Jesusca cashna nirca: —Maijan ñucata c'uyacca, ñuca rimashcacunatami cazun. Shina cacpica, ñuca Taitapish c'uyanmi. Chaimanta ñucapish, ñuca Taitapish paihuanmi causangapac shamushun.

SAN JUAN 14:6

Shina nicpi Jesusca: —Ñucami cashcatatac nicpish, Diospacman pushacpish, shinallatac causaita cucpish cani. Ñucallamantami Taita Diospacmanca chayangacuna.

SAN JUAN 14:9

Shina nicpimi, Jesusca cashna nirca: —Felipe, ña unaitami cancunahuanca cani. ¿Chashna cashca jahuachu ñucataca mana ricsingui? Maijanpish ñucata ricucca ñuca Taitatapish ricunmi. ¿Ima nishpatac ñuca Taitataca ricuchi ningui?

SAN JUAN 15:4

Yurapi rama cac shinami, cancunaca ñucahuanca cana canguichic. Shina cacpimi, ñucapish cancunahuanca casha. Ramaca yurapi mana cashpaca, paillatacca mana p'ucunchu. Chashnallatacmi cancunapish ñucahuan mana cashpaca, mana p'ucuc rama shina tucunguichic.

SAN JUAN 17:14

Can rimashca shimitaca paicunaman huillashcanimi. Paicuna mana cai pachapaclla cashcamantami, cai pachapaclla causaccunaca p'iñancuna. Ñucapish mana cai pachamantachu cani.

SAN JUAN 17:25

Imatapish cashcata ruhuac Taitalla, cai pachapaclla causaccuna canta mana ricsicpipish, ñucaca ricsinimi. Shinallatac cai ñucapac caccunapish, can ñucata cachashca cashcata yachancunami.

SAN JUAN 17:3

Cai huiñai causaica, shuclla Taita Dios can cashcata, shinallatac can cachashca Jesucristota ricsinami.

SAN JUAN 20:28

Chashna nicpi Tomasca: —¡Ñucata Mandac Apunchic Jesuslla, ñuca Dioslla!— nirca.

SAN JUAN 8:42

Shina nicpimi, Jesusca cashna nirca: —Taita Dios cancunapac taita cacpica, c'uyanguichicmanmi. Ñucaca Diosmanta shamushpami caipi cani. Mana ñuca munaimantachu shamurcani, ashtahuanpish Taita Diosmi cacharca.

HECHOS 20:28

Apunchic Jesusca paipac yahuarta jichashpa huañushpami, criccunataca randirca. Chashna cashcamanta cancunallatac alli yuyaihuan, tucui tandanacushca criccunata ricunguichic. Paicunata alli ricuchunmi, Diospac Espirituca cancunata michic shina cachun churarca.

ROMANOS 9:5

Paicunaca ñucanchic ñaupa taitacunapac huahua huahuacunami can. Paicunapuramantami Cristoca runa tucurca. Paitaca tucuita Mandac Dios cashcamantami huiñai huiñaita alli nina canchic.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

2 CORINTIOS 4:6

Taita Diosca amsata luz achicyachichun nircami. Paillatacmi luz shina ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

EFESIOS 3:18

Chai shina cashpami, Diospaclla cac tucui criccunahuan tandanacushpaca, Cristoca tucuimanta yalli c'uyac cashcata yachac chayanguichic. Chai c'uyaica jahuamanpish, uramanpish, chainicmanpish, cashnamanpish shinallatac maicamanpish chayac cashcataca yachac chayanguichic.

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Taita Diosca paihuan alli tucuchun ñucataca chasquirca.

1 TIMOTEO 3:16

Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.

TITO 2:13

Shinallatac chai c'uyaimi, ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactanata shuyanata yachachicun.

HEBREOS 1:8

Ashtahuanpish paipac Churimanta nishpaca: “Canca huiñai huiñaita Mandac Diosmi cangui. Shinallatac can mandashpaca, imapish cashcata ruhuashpami mandangui.

1 JUAN 2:23

Maijanpish “Cristoca mana Diospac Churichu” nicca mana Taita Dioshuanchu, ashtahuanpish “Jesusca Diospac Churimi” nishpa huillacmi, Taita Dioshuanca.

1 JUAN 2:24

Shina cashcamanta cancunaca callarimanta pacha uyashcataca shungupimi huacaichina canguichic. Callarimanta pacha uyashcata shungupi huacaichishpaca, Diospac Churihuanpish, Taita Dioshuanpish shucllami canguichic.

1 JUAN 2:6

Maijanpish “Taita Dioshuan shuc shinallami cani” nishpaca, Jesucristo causashca shinallatacmi causana can.

1 JUAN 4:14

Ñucanchicllatacmi Taita Dios cachashca paipac Churi cai pachapi causaccunata quishpichingapac shamushcataca ricurcanchic. Chaimantami huillanchic.

1 JUAN 4:16

Chashnami Taita Dios ñucanchicta c'uyac cashcata yachashpa crinchic. Taita Diosca c'uyacmi. Maijanpish Diospac c'uyaita charicca Dioshuanmi causan, shinallatac Taita Diospish paihuanmi causan.

1 JUAN 4:2

Diospac Espirituhuan cashcataca cai shinami yachac chayanguichic: Maijanpish “Jesucristoca runa tucungapac shamushcami” nicmi, Diospac Espiritutaca charin.

1 JUAN 5:1

Maijanpish Jesusta “Quishpichic Cristomi” nicca Taita Diospac huahuami. Maijanpish Taitata c'uyacca paipac huahuacunatapish c'uyanmi.

1 JUAN 5:15

Taita Dios ñucanchic mañashcata uyac cashcata yachashpami, ñucanchic mañashcata cuna cashcataca yachanchic.

1 JUAN 5:18

Maijanpish Taita Diospac huahua cashpaca, juchata mana ruhuacushcata yachanchicmi. Taita Diospac Churimi paicunataca huacaichin. Chaimantami diabloca imata mana ruhuanata pudin.

1 JUAN 5:5

Maijanpish Jesusta Diospac Churi cashcata cricllami, cai pachapi tiyac millaicunataca mishan.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac*f** cantotapish cashna nishpami cantacurcacuna: —¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.

APOCALIPSIS 19:11

Chai q'uipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, manapish allita taripashpa macanacucmi carca.

APOCALIPSIS 3:14

Laodicea pueblopi cac tandanacushca criccunata ricuc angelmanpish cashna nishpa quillcai: Taita Dioshuan cai pachapi tucui ima tiyashcatapish ruhuac, mana llullashpa imatapish cashcata nic, imatapish pactachicca, cashnami nini:

APOCALIPSIS 3:7

Filadelfia pueblopi cac tandanacushca criccunata ricuc angelmanpish cashna nishpa quillcai: Mandac Davidpac llaveta charicuc, pi mana pascaipacta huichcac, pi mana huichcaipacta pascac, cashcata ruhuac jucha illacca cashnami nini:

APOCALIPSIS 6:10

Chaimantaca sinchita caparishpami: —Tucuita Mandac, jucha illac Taita Dioslla, allpa pachapi causaccunataca, ¿ima punzhacamantatac ñucanchicta huañuchishcamantaca taripashpa llaquichigringuiyari?— nircacuna.