1 JUAN 5:19 - Nuevo Testamento en Quichua Cañar 1996

¹⁹ Ñucanchicca Taita Diospac huahuacuna cashcatami yachanchic, shinallatac cai pachapaclla causaccunataca diablo mandacushcatapish yachanchicmi.

Dios Rimashcata Quillcashcami

¹⁹ Ñucanchicca Diospac huahuacuna cashcatami yachanchic, shinallatac cai pachapaclla causaccunataca diablo mandacushcatami yachanchic.

1 JUAN 5:19 Iomraidhean Croise

SAN LUCAS 4:6

Chashna ricuchishpaca: —Cai tucui sumac llactacunata mandanataca, ñucamanmi cushca. Chaimanta ñucaca piman cusha nishpapish cushallami.

SAN JUAN 12:31

Cunanmi cai pachapi causaccunata taripashca cagrin. Shinallatac cunanllatacmi cai pachata mandactapish llucchishpa shitashca cagrin.

SAN JUAN 14:30

Cai pachata mandac shamucushcamantaca, cancunahuanca mana ashtahuan parlacushallachu. Shina cacpipish ñucahuanca paica imata mana ricunata charinchu.

SAN JUAN 16:11

Shinallatac cai pachata mandacta Taita Dios ña juchanchishca cashcamantami, ima shina taripana cashcataca ricuchinga.

SAN JUAN 17:15

Cai pachamanta paicunata anchuchichunca mana mañanichu, ashtahuanpish tucui millaimanta huacaichichunmi mañani.

ROMANOS 8:16

Diospac Espiritullatacmi ñucanchic espirituhuan shuc shinalla tucushpa, ña Taita Diospac huahua cashcataca ricuchin.

2 CORINTIOS 1:12

Ñucanchic cai pachapi causacushpaca, ima mana allita mana ruhuashpa, imatapish cashcata ruhuashpa causacushcatami yachanchic. Ashtahuancarin cancunahuanmi chashna causarcanchic. Chaimantami cushicunchic. Chashnaca mana ñucanchic yuyaillamantachu causanchic, ashtahuanpish Taita Dios mai c'uyashcallamanta yuyaita cucpimi, chashna causacunchic.

2 CORINTIOS 4:4

Ashtahuanpish paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca*f** amsayachishpa charicun.

2 CORINTIOS 5:1

Ñucanchicca chingariclla cai pachapi tiyac carpa huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasi shina cuerpota charishcatami yachanchic. Chai huasica jahua pachapimi, Taita Dios allichishca tiyacun.

GÁLATAS 1:4

Jesucristoca ñucanchic juchacunamanta huañushpami, cai pacha millai gentecuna shina ama causachun ñucanchicta quishpichishpa, ñucanchic Taita Dios munashcata pactachirca.

EFESIOS 2:2

Chashnami cancunaca cai pacha ima millaita c'atishpa, huairapi puric mandac millai espíritu munashcata ruhuashpa causacurcanguichic. Chai espiritumi Taita Diosta mana cazuccunataca mana allita ruhuachishpa mandacun.

2 TIMOTEO 1:12

Chashna huillac cashcamantami tucui cai llaquicunataca apacuni. Shina cacpipish ñuca pita crishcataca yachanimi. Shinallatac ñucaman mingashcataca, shamuc punzhacaman huacaichina cashcatapish allimi yachani. Chashna cashcamanta manatac pinganichu.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna mana allillapi causacushpami, shuccuna ama charichun munashpa, caishuc chaishuchuan p'iñanacushpa causacurcanchic.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata c'uyacca, Taita Diostaca p'iñanmi. Chaitaca, ¿manachu yachanguichic? Maijanpish cai pachapaclla caccunata c'uyasha niccunaca, Taita Diosta p'iñaccunami tucun.

1 JUAN 3:14

Ñucanchicca criccunata c'uyaccuna cashpami, huañuimanta causaiman pasashca cashcata yachanchic. Maijanpish mana c'uyacca huañushca shinami causacun.

1 JUAN 3:24

Pai mandashcata pactachishpa causaccunaca paicunapish Dioshuan, Diospish paicunahuanmi shuc shinalla causancuna. Shina cacpimi pai ñucanchichuan cashcataca, pai cushca Espiritullatac yuyaita cucpi yachanchic.

1 JUAN 5:10

Maijanpish Diospac Churita cricca, Taita Diosllatac huillashcatami paipac shungupi charin. Maijanpish Diosta mana cricca, Taita Diosllatac paipac Churimanta huillashcata mana crishcamantami, Diosta llullapi churan.

1 JUAN 5:13

Cancuna Diospac Churita crishpaca, huiñai causaita charishcatapish yachachun nishpami caicunataca quillcani.

1 JUAN 5:15

Taita Dios ñucanchic mañashcata uyac cashcata yachashpami, ñucanchic mañashcata cuna cashcataca yachanchic.

1 JUAN 5:18

Maijanpish Taita Diospac huahua cashpaca, juchata mana ruhuacushcata yachanchicmi. Taita Diospac Churimi paicunataca huacaichin. Chaimantami diabloca imata mana ruhuanata pudin.

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebraca can. Paillatacmi diablo nishcapish, Satanás*f** nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandic cai pachaman llucchishpa shitarcacuna.

APOCALIPSIS 20:3

Chashna huatashpaca, ucu pacha jutcuman shitashpami punguta huichcashpa, unanchishpa churarca. Chaitaca huaranga huatacuna tucungacamanmi, gentecunata ama crichichun chashnaca ruhuarca. Chai q'uipaca ashacaman cacharishcami canga.