1 JUAN 5:18 - Nuevo Testamento en Quichua Cañar 1996

¹⁸ Maijanpish Taita Diospac huahua cashpaca, juchata mana ruhuacushcata yachanchicmi. Taita Diospac Churimi paicunataca huacaichin. Chaimantami diabloca imata mana ruhuanata pudin.

Dios Rimashcata Quillcashcami

¹⁸ Maijanpish Diospac huahua cashpaca, juchata mana ruhuacushcatami yachanchic. Diospac Churi paicunata huacaichicpimi, diabloca imata mana ruhuanata pudin.

1 JUAN 5:18 Iomraidhean Croise

SAN MATEO 5:37

Imatapish ari nina cacpica, ari nichic. Mana nina cacpica, mana nichic. Manapish cashcata nina yuyaicunaca, diablomantami shamun.

SAN MATEO 6:13

Ama ima millaipi urmachun saquinguichu, ashtahuanpish tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]’ nishpa mañanguichic.

SAN JUAN 1:13

Chaicunaca mana runacunapac munaimanta, shinallatac mana cai pachapi huacharishcallamantachu Taita Diospac huahuacuna tucun, ashtahuanpish Taita Diospac munaimantami paipac huahuacuna tucun.

SAN JUAN 14:30

Cai pachata mandac shamucushcamantaca, cancunahuanca mana ashtahuan parlacushallachu. Shina cacpipish ñucahuanca paica imata mana ricunata charinchu.

SAN JUAN 15:4

Yurapi rama cac shinami, cancunaca ñucahuanca cana canguichic. Shina cacpimi, ñucapish cancunahuanca casha. Ramaca yurapi mana cashpaca, paillatacca mana p'ucunchu. Chashnallatacmi cancunapish ñucahuan mana cashpaca, mana p'ucuc rama shina tucunguichic.

SAN JUAN 15:7

Cancuna ñucahuan cashpa, shinallatac ñuca yachachishcacunata cazushpa c'atirashpaca, imatapish mañaichiclla, ñuca Taitaca cungallami.

SAN JUAN 15:9

Ñucaca ñuca Taita ñucata c'uyac shinallatacmi, cancunataca c'uyani. Cancunaca chashna c'uyanacushpa c'atichiclla.

HECHOS 11:23

Bernabé chaiman chayashpaca, Taita Diosca mai c'uyashpa, quishpichishcata ricushpaca cushicurcami. Paica tucui criccunatami: “Apunchic Jesusllata tucui shunguhuan alli cazunguichic” nishpa cunarca.

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

SANTIAGO 1:27

Maijanpish Taita Diospac ñaupapi Diosta tucui shunguhuan alli cricca, llaquilla cac viuda huarmicunatapish, taita mamata mana charic llaquilla cac huahuacunatapish ayudanami can. Shinallatac cai pachapi tiyac imapish juchallinacunamantaca huacaichirinami can.

1 PEDRO 1:23

Cancunaca cutin huacharishca shinami tucushcanguichic. Cunanca mana huañuclla, mana chingariclla taitamantachu huacharishca canguichic, ashtahuanpish huiñai causaita cuc, mana chingaric Dios rimashcata uyashcamantami, cutin huacharishca shina canguichic.

1 JUAN 2:29

Jesucristo imatapish cashcata ruhuac cashcataca yachanguichicmi. Chashna yachashpaca, maijanpish cashcata ruhuacca Diospac huahua cashcatami yachanguichic.

1 JUAN 3:12

Ama Caín shina cashunchic. Paica diablopac cashpami, paipac huauquitaca huañuchirca. ¿Imamantatac huañuchirca? Pai ruhuashcacuna mana alli cacpi, shinallatac paipac huauquipac ruhuashcacunaca alli cacpimi chashnaca ruhuarca.

1 JUAN 3:3

Chashna cashcamanta maijanpish pai yuyailla cacca, paillatacmi Jesucristo ima jucha illac cashca shinallatac tucui mapamanta anchuricun.

1 JUAN 3:9

Maijanpish Diospac huahua tucushca cashpaca, Dios cushca mushuc causaita charishcamantaca mana juchata ruhuashpa causanchu. Diospac huahuatac cashcamantaca, mana juchata ruhuanchu.

1 JUAN 4:6

Ashtahuanpish ñucanchicca Diospacmi canchic. Chaimantami ñucanchic rimacpica, Diosta ricsiccunaca uyan. Shina cacpipish mana Diospac caccunaca mana uyashun nincunachu. Shina cacpimi maijanlla cashcata nic Diospac Espirituta charishcata, mana cashpaca llulla espirituta charishcatapish yachanguichic.

1 JUAN 5:1

Maijanpish Jesusta “Quishpichic Cristomi” nicca Taita Diospac huahuami. Maijanpish Taitata c'uyacca paipac huahuacunatapish c'uyanmi.

1 JUAN 5:15

Taita Dios ñucanchic mañashcata uyac cashcata yachashpami, ñucanchic mañashcata cuna cashcataca yachanchic.

1 JUAN 5:19

Ñucanchicca Taita Diospac huahuacuna cashcatami yachanchic, shinallatac cai pachapaclla causaccunataca diablo mandacushcatapish yachanchicmi.

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

1 JUAN 5:21

C'uyashca huahuacuna, ruhuashcalla dioscunata adoranamantaca huacaichiringuichic.

1 JUAN 5:4

Taita Diospac tucui huahuacunami cai pachapi tiyac millaicunataca mishan. Apunchic Jesusta crishpami, cai pachapi millaitaca mishanchic.

SAN JUDAS 1:21

Cancunata Dios c'uyacushcamantaca ama anchurichicchu. Shinallatac ñucanchic Apunchic Jesucristo llaquishpa, ñucanchicman huiñai causaita cuna punzhataca shuyacuichiclla.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi imatapish ruhuaclla cashcahuanca, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

APOCALIPSIS 2:13

Cancuna Satanás*f** maipi mandacucpi causacushcataca yachanimi. Shina cashpapish ñucata c'atinataca mana saquishcanguichicchu. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichicchu.