1 JUAN 5:10 - Nuevo Testamento en Quichua Cañar 1996

¹⁰ Maijanpish Diospac Churita cricca, Taita Diosllatac huillashcatami paipac shungupi charin. Maijanpish Diosta mana cricca, Taita Diosllatac paipac Churimanta huillashcata mana crishcamantami, Diosta llullapi churan.

Dios Rimashcata Quillcashcami

¹⁰ Maijanpish Diospac Churita cricca, Diosllatac huillashcatami paipac shungupi charin. Maijanpish Diosta mana cricca, Diosllatac paipac Churimanta huillashcata mana crishcamantami, Diosta llullapi churan.

1 JUAN 5:10 Iomraidhean Croise

SAN JUAN 3:16

Taita Diosca cai pachapi causaccunata mai c'uyashpami, paipac shuclla Churita cai pachamanca cacharca. Pipish paita cricca ama chingarishpa huiñai causaita charichunmi, chashnaca cacharca.

SAN JUAN 3:18

Maijanpish Diospac Churita crictaca llaqui pachamanca mana cachangachu, ashtahuanpish paipac shuclla Churita mana crictami, pai mana crishcamanta llaqui pachamanca cachanga.

SAN JUAN 3:33

Shina cashpapish pai huillashcata maijanllapish crishpaca, Taita Dios mana llullac cashcatami ricuchincuna.

SAN JUAN 5:38

Taita Dios ñucata cachashcata mana crishcamantami, pai huillashcatapish cancunapac shungupica mana charinguichic.

HECHOS 8:37

Shina nicpi Felipeca: —Can tucui shunguhuan crishpaca, bautizarinallami cangui— nirca. Chashna nicpi: —Ari, Jesucristoca Diospac Churi cashcata crinimi— nirca.

ROMANOS 8:16

Diospac Espiritullatacmi ñucanchic espirituhuan shuc shinalla tucushpa, ña Taita Diospac huahua cashcataca ricuchin.

GÁLATAS 4:1

Shinallatac caitapish nisha ninimi: Shuc taitapac huahuaca taitapac tucui charishca paipac cacpipish, huahuarac cashpaca shuc servic shinallami.

GÁLATAS 4:6

Shinallatac ñucanchic ña paipac huahuacuna cashcata ricuchingapacmi, Taita Diosca paipac Churipac Espirituta ñucanchic shunguman cacharca. Chai Espiritumi: “Ñuca Taitalla” nishpa mañachun ñucanchictaca yuyachicun.

COLOSENSES 3:3

Cancunaca Cristota crishcamantami, paihuan huañushca shina canguichic. Cancuna causagrinataca, Cristohuanmi Taita Diosca pacashpa charicun.

HEBREOS 3:12

C'uyashca criccuna, cancunapuramanta shucllapish millai yuyaihuan mana crisha nishpa, pacta causac Diosmanta caruyanguichicman.

2 PEDRO 1:19

Chaita urcupi ricushcaca, Diosmanta ñaupa huillaccuna huillashcaca chashnatac cashcatami ricuchin. Chai huillaica tuta punzhayangacaman amsata achicyachic lámpara shina, shinallatac tutamanta achicyachic lucero llucshic shinami, cancunapac shungutaca achicyachicun. Chai huillaita cancuna alli uyashpaca, allimi ruhuanguichic.

1 JUAN 1:10

“Ima juchata mana charinchicchu” nishpaca, Taita Diostamari llullac cashcata ruhuanchic, shinallatac pai rimashca shimipish ñucanchic shungupi mana tiyashcatami ricuchinchic.

1 JUAN 5:1

Maijanpish Jesusta “Quishpichic Cristomi” nicca Taita Diospac huahuami. Maijanpish Taitata c'uyacca paipac huahuacunatapish c'uyanmi.

APOCALIPSIS 12:17

Chashna tucucpimi dragonca chai huarmihuan yallita p'iñarishpa, chai huarmipac huahua huahuacunahuan macanacungapac rirca. Chaicunaca Dios mandashcacunata pactachiccunapish, shinallatac Jesusmanta huillashcata uyashpa alli c'aticcunapish canmi.

APOCALIPSIS 2:17

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun. Maijanpish millaita mishaccunamanca pacashca tiyacuc maná shuti tandatami carasha. Shinallatac yuraclla rumitami cusha. Chaipica mushuc shutita quillcashcami canga. Chaitaca pipish mana ricsingachu, ashtahuanpish chaita chasquicllami ricsinga.

APOCALIPSIS 2:28

Shinallatac pacaringapac llucshic lucerotapish paicunamanca cushami.