1 JUAN 4:8 - Nuevo Testamento en Quichua Cañar 1996

⁸ Taita Diosca c'uyacmi. Shina cashcamanta maijanpish mana c'uyacca, Diosta mana ricsinchu.

Dios Rimashcata Quillcashcami

⁸ Diosca cuyacmi. Maijanpish mana cuyacca, Diosta mana ricsinchu.

1 JUAN 4:8 Iomraidhean Croise

2 CORINTIOS 13:11

Ña tucuchingapacca caitami nisha nini: Cushilla causashpa, punzhanta allichirishpa c'atichic. Caishuc chaishuc yuyachinacushpa, sumacta causaichic. Chashna causacpimi, sumac causaita cuc Taita Diosca cancunahuan canga.

EFESIOS 2:4

Shina cacpipish Taita Diosca mai llaquic cashpami, ñucanchictaca yallita c'uyarca.

HEBREOS 12:29

Ñucanchic Taita Diosca nina llama tucuita rupachic shinami.

1 JUAN 1:5

Ñucanchicman ima shina Jesucristo yachachishcatami cancunamanca huillanchic. Taita Diosca achicyachic luzmi. Paipica ima amsapish mana tiyanchu.

1 JUAN 2:4

Maijanpish “ñucaca paita ricsinimi” nishpapish, Dios mandashcacunata mana pactachishpaca llullanllami. Shina cacpimi paipac shungupica imatapish cashcata ruhuashpa causana yuyaica mana tiyan.

1 JUAN 2:9

Maijanpish “ñucaca achic luzpimi cani” nishpapish criccunata p'iñashpaca, amsapimi causacun.

1 JUAN 3:10

Maijanpish cashcata mana ruhuashpa, criccunata mana c'uyacca, mana Diospac huahuachu. Shina cashcamanta maijanlla Diospac huahuacuna, maijanlla diablopac huahuacuna cashcataca ricunallami.

1 JUAN 3:6

Maijanpish Jesushuan cashpaca, juchata ña mana ruhuanchu. Maijanpish juchata ruhuacca paitaca mana ricushcachu, shinallatac mana ricsishcachu.

1 JUAN 4:16

Chashnami Taita Dios ñucanchicta c'uyac cashcata yachashpa crinchic. Taita Diosca c'uyacmi. Maijanpish Diospac c'uyaita charicca Dioshuanmi causan, shinallatac Taita Diospish paihuanmi causan.

1 JUAN 4:7

C'uyashca criccuna, Dios c'uyaita cushcamanta caishuc chaishuchuan c'uyanacushunchic. Maijanpish c'uyacca Diospac huahuami, shinallatac Diostapish ricsinmi.