1 JUAN 4:18 - Nuevo Testamento en Quichua Cañar 1996

¹⁸ Manchaica llaquichina cashcamantami shamun. Chaimanta maijanpish manchacca Diospac c'uyaitaca manarac tucui charinchu. Maijanpish Diospac c'uyaita charicca mana manchanchu, ashtahuanpish Diospac c'uyaimi chai manchaitaca anchuchin.

Dios Rimashcata Quillcashcami

¹⁸ Manchaica llaquichina cashcamantami shamun. Chaimanta maijanpish manchacca Diospac cuyaitaca manarac tucui charinchu. Maijanpish Diospac cuyaita charicca mana manchanchu, ashtahuanpish Diospac cuyaimi chai manchaitaca anchuchin.

1 JUAN 4:18 Iomraidhean Croise

SAN MATEO 9:34

Ashtahuanpish fariseocunaca:*f** “Cai runaca supaicunata mandac diablohuan cashpami, supaicunataca llucchishpa cachanlla” nishpa rimarcacuna.

ROMANOS 8:15

Cancunaca mana cutinllatac manchaita cuc, huatashca shina causanaman apac espiritutachu chasquircanguichic, ashtahuanpish Diospac huahuata ruhuac Espiritutami chasquircanguichic. Chai Espiritumantami: “Ñuca Taitalla” nishpa Taita Diosman mañanchic.

2 TIMOTEO 1:7

Taita Diosca manchana yuyaita cuc espiritutaca mana cushcachu, ashtahuanpish imatapish ruhuai pudic, c'uyaita cuc, shinallatac quiquinllatac jarcarina yuyaita cuc Espiritutami ñucanchicmanca cushca.

HEBREOS 12:28

Dios cushca maipi mandacucca, mana cuyuchipacchu. Chaimanta manchaihuan, pai munashca shina tucui shunguhuan pagui nishpa, alli nishunchic. Paica chaitami munan.

SANTIAGO 2:19

Canca shuclla Dios tiyashcatami cringui. Chai shina crishpaca, allitami ruhuangui. Chai shinallaca supaicunapish crincunami, shinallatac manchaihuanpish chucchuncunami.

1 JUAN 4:12

Taita Diostaca jaicapi pipish mana ricushcachu. Shina cacpipish caishuc chaishuchuan c'uyanacushpa causacpica, Taita Diosca ñucanchichuanmi causan. Chashna c'uyanacushpami, Dios c'uyac cashcataca ashtahuan ricuchinchic.