1 JUAN 4:17 - Nuevo Testamento en Quichua Cañar 1996

¹⁷ Apunchic Jesús cai pachapi cashca shinallatacmi, ñucanchicpish cai pachapica canchic. Chaimantami Dios c'uyashca shina c'uyanacushpaca, Taita Dios taripai punzhapica mana manchashpa ricurishun.

Dios Rimashcata Quillcashcami

¹⁷ Apunchic Jesús cai pachapi cashca shinallatacmi, ñucanchicpish cai pachapica canchic. Chaimantami Dios cuyashca shina cuyanacushpaca, Dios taripai punzhapica mana manchashpa ricurishun.

1 JUAN 4:17 Iomraidhean Croise

SAN MATEO 10:15

Sodoma pueblopi shinallatac Gomorra pueblopi causac millai gentecuna ima shinami llaqui tucurca, chaitapish yallimi chai pueblopi causaccunataca, Taita Dios taripana punzhapica llaquichishca canga. Chaica chashnatacmi canga.

SAN MATEO 10:25

Yachacuc ña yachachic shina tucushpaca, cushillami canman. Shinallatac shuc servicpish amo shina tucushpaca, cushillami canman. Huasipi taita shina pushac ñucatapish, ‘supaicunata mandac Beelzebumi*f** cangui’ nicushpaca, chai huasipi causac huahua shina cac cancunatacarin, ¡imatachari ningacuna!

SAN MATEO 11:22

Taita Dios taripana punzhapica, Tiro pueblopi Sidón pueblopi causaccunata yallimi cancunataca llaquichishca canguichic, ninimi.

SAN MATEO 11:24

Chaimantami Taita Dios taripana punzhapica, Sodoma pueblopi causashca millai gentecunata yalli cancunataca llaquichishca canguichic, ninimi” nirca.

SAN MATEO 12:36

Cancunaman huillanimi: Taita Dios taripana punzhapimi, shuccunata llaquichishpa, mana alli rimashcacunaca yacharinga.

SAN JUAN 15:20

‘Maijan servicpish amotaca mana yallichu’ nishpa, ñacaman huillashcataca yuyarichic. Ñucatapish mana ricunachishpa llaquichircacunami. Shinallatacmi cancunatapish llaquichingacuna. Ñuca ima nishcata cazushca cashpaca, cancuna nishcatapish cazungacunami.

SAN JUAN 17:22

Canca ñucata sumacyachishcanguimi. Ñucanchic ima shinami shuc shinalla canchic, chai shinallatac paicunapish shuc shinalla cachunmi paicunatapish ñucaca sumacyachini.

ROMANOS 8:29

Taita Diosca paipac Churi achca criccunamanta punta cachunmi, ñaupaman ricsishcacunataca callarimanta pacha paipac Churi Jesucristo shina cachun ch'icanyachirca.

HEBREOS 9:27

Shinallatac tucui mashnami shuc cutinlla huañuna canchic. Chai q'uipami Taita Dios taripana punzhaca shamunga.

SANTIAGO 2:13

Shuccunata mana llaquiccunataca, paicunatapish mana llaquishpami, Taita Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

SANTIAGO 2:22

Taita Abrahamca chashna ruhuashpami, pai crishcataca ricuchishca. Chashna ruhuashcamantami, pai tucui shunguhuan allita crishcata Diosca ricurca. Chaitaca yuyarinami canguichic.

2 PEDRO 2:9

Chashnami Mandac Diosca paipaclla causaccunataca imapish llaquicunamanta quishpichin. Shinallatac millai gentecunataca pai taripashpa, llaquichina punzhacamanmi llaquichishpa charicun.

2 PEDRO 3:7

Shina cashpapish jahua pachapi, cai pachapi cunan ima tiyashcacunataca, chai rimashcallahuantacmi ninahuan tucuchingapac Taita Diosca huacaichishpa charicun. Chai ninaca Dios taripashpa millaicunata llaquichina punzhapimi, rupachishpa tucuchinga.

1 JUAN 2:28

C'uyashca huahuacuna, shinashpaca Jesucristo ricuricpi mana manchashpa ñahui ñahui ricuringapacca, paihuan shuc shinalla causaichic. Chashna causashpami pai cutin shamucpica, paipac ñaupapi mana pingashpa tupashun.

1 JUAN 2:5

Shina cacpipish Taita Dios rimashca shimita maijanpish cazucca, Dios c'uyac shinallatacmi mai c'uyac cashcata ricuchin. Chashna cashpami paihuan shuc shinalla cashcata yachanchic.

1 JUAN 2:6

Maijanpish “Taita Dioshuan shuc shinallami cani” nishpaca, Jesucristo causashca shinallatacmi causana can.

1 JUAN 3:1

Ñucanchic Taita Dios mai c'uyashcamantami, ñucanchictaca paipac huahuacuna nishpa c'ayan. Chaica chai shinatacmi canchic. Chaimantami cai pachapaclla causaccunaca Diosta mana ricsishcamanta, ñucanchic paipac cashcatapish mana ricsincuna.

1 JUAN 3:3

Chashna cashcamanta maijanpish pai yuyailla cacca, paillatacmi Jesucristo ima jucha illac cashca shinallatac tucui mapamanta anchuricun.

1 JUAN 3:7

C'uyashca huahuacuna, pacta pi cancunata crichinman. Maijanpish cashcata ruhuashpa causacca, cashcata ruhuac Cristo shinallatac allitami ruhuan.

1 JUAN 4:12

Taita Diostaca jaicapi pipish mana ricushcachu. Shina cacpipish caishuc chaishuchuan c'uyanacushpa causacpica, Taita Diosca ñucanchichuanmi causan. Chashna c'uyanacushpami, Dios c'uyac cashcataca ashtahuan ricuchinchic.