1 JUAN 4:16 - Nuevo Testamento en Quichua Cañar 1996

¹⁶ Chashnami Taita Dios ñucanchicta c'uyac cashcata yachashpa crinchic. Taita Diosca c'uyacmi. Maijanpish Diospac c'uyaita charicca Dioshuanmi causan, shinallatac Taita Diospish paihuanmi causan.

Dios Rimashcata Quillcashcami

¹⁶ Chashnami Dios ñucanchicta cuyac cashcata yachashpa crinchic. Diosca cuyacmi. Maijanpish Diospac cuyaita charicca Dios-huanmi shinallatac Diospish paihuanmi can.

1 JUAN 4:16 Iomraidhean Croise

SAN JUAN 6:69

Ñucanchicca cantaca ña crishcanchicmi. Shinallatac canca Dios cachashca Jucha Illac cashcatapish yachanchicmi— nirca.

SAN JUAN 9:3

Shina tapucpimi, Jesusca cashna nirca: —Paica mana paipac juchamanta, shinallatac mana paipac taita mamapac juchamantachu chashnaca tucushca, ashtahuanpish Taita Dios imata ruhuana cashcata cai runapi ricuchingapacmi, chashnaca huacharirca.

1 CORINTIOS 2:9

Ashtahuanpish Dios quillcachishcapica: “Imapish mana ricushcata, mana uyashcata shinallatac jaicapi mana yuyashcatami, paita c'uyaccunamanca Taita Diosca cusha nicun” ninmi.

1 JUAN 3:1

Ñucanchic Taita Dios mai c'uyashcamantami, ñucanchictaca paipac huahuacuna nishpa c'ayan. Chaica chai shinatacmi canchic. Chaimantami cai pachapaclla causaccunaca Diosta mana ricsishcamanta, ñucanchic paipac cashcatapish mana ricsincuna.

1 JUAN 3:16

Jesucristo ñucanchicta c'uyashpa huañushcamantaca, ima shina c'uyana cashcataca yachanchicmi. Shina cashcamantami ñucanchicpish, criccunamanta huañuna cacpipish huañuna canchic.

1 JUAN 3:24

Pai mandashcata pactachishpa causaccunaca paicunapish Dioshuan, Diospish paicunahuanmi shuc shinalla causancuna. Shina cacpimi pai ñucanchichuan cashcataca, pai cushca Espiritullatac yuyaita cucpi yachanchic.

1 JUAN 4:7

C'uyashca criccuna, Dios c'uyaita cushcamanta caishuc chaishuchuan c'uyanacushunchic. Maijanpish c'uyacca Diospac huahuami, shinallatac Diostapish ricsinmi.