1 JUAN 2:9 - Nuevo Testamento en Quichua Cañar 1996

⁹ Maijanpish “ñucaca achic luzpimi cani” nishpapish criccunata p'iñashpaca, amsapimi causacun.

Dios Rimashcata Quillcashcami

⁹ Maijanpish ñucaca achic luzpimi cani nishpapish huauquita piñashpaca, amsapirami causacun.

1 JUAN 2:9 Iomraidhean Croise

SAN JUAN 9:41

Shina nicpi Jesusca: —Cancuna ñahui mana ricuccuna cashpaca, manachari juchayuccuna canguichicman. Ashtahuanpish ‘ñahuihuan ricushpami causacunchic’ nishcamantacarin, juchayuccunami canguichic— nirca.

HECHOS 1:15

Chai punzhacunapica, Jesusta criccunaca pasac ishcai chunga shinami tandanacushca carcacuna. Paicunapac ñaupapimi Pedroca shayarishpa cashna nirca:

2 PEDRO 1:9

Shina cacpipish maijan mana chashna causacca ñahui mana ricuc shina, caruta mana ricuc shinami. Ñaupa pai ruhuashca juchacunamanta chuyayachishcataca cungarishca.

1 JUAN 1:6

“Paihuan shuc shinallami canchic” nishpapish, amsapi shina mana allita ruhuashpa causacushpaca, pai nishcataca llullapimi churanchic, shinallatac pai munashcataca mana ruhuanchicchu.

1 JUAN 2:11

Ashtahuanpish criccunata maijanpish p'iñacca amsapimi puricun, shinallatac amsallapitacmi causacun. Chashna cashcamantami chai amsallatac ñahuita mana ricucta ruhuacpi, maiman ricushcatapish mana yachashpa causacun.

1 JUAN 2:4

Maijanpish “ñucaca paita ricsinimi” nishpapish, Dios mandashcacunata mana pactachishpaca llullanllami. Shina cacpimi paipac shungupica imatapish cashcata ruhuashpa causana yuyaica mana tiyan.

1 JUAN 3:10

Maijanpish cashcata mana ruhuashpa, criccunata mana c'uyacca, mana Diospac huahuachu. Shina cashcamanta maijanlla Diospac huahuacuna, maijanlla diablopac huahuacuna cashcataca ricunallami.

1 JUAN 4:20

Maijanpish “Diosta c'uyanimi” nishpapish, shuc cricta p'iñacca llullacmari. Paica ñahuihuan ricushca cricta mana c'uyashpaca, ¿ima shinatac mana ricushca Diostaca c'uyangayari?