1 JUAN 2:8 - Nuevo Testamento en Quichua Cañar 1996

⁸ Shina cacpipish mushuc mandashcata quillcac shinallatacmi quillcani. Cai mandashca mana llulla cashcataca Jesucristomi ricuchirca, shinallatac cancunapish ricuchicunguichicmi. Imatapish cashcata ruhuac luz achicyachicucpimi, amsaca chingarishpa c'aticun.

Dios Rimashcata Quillcashcami

⁸ Shina cacpipish mushuc mandashcata quillcac shinallatacmi quillcani. Cai mandashca mana llulla cashcataca Jesucristomi ricuchirca, shinallatac cancunapish ricuchicunguichicmi. Imatapish cashcata ruhuac luz achicyachicucpimi, amsaca chingarishpa caticun.

1 JUAN 2:8 Iomraidhean Croise

SAN MATEO 4:16

Amsapi shina causac cancunamanca, shuc jatun luzmi ricurishca. Amsapi ña huañunalla shina causaccunatami, chai luzca achicyachishca” nishcami.

SAN LUCAS 1:79

Huañuna manchaihuan amsapi causaccunata achicyachingami. Ñucanchictaca sumac causai ñanta pushangami” nirca.

SAN JUAN 1:9

Chai Achicyachicmi tucui gentecunata achicyachingapactac cai pachaman shamurca.

SAN JUAN 12:35

Chaimantami Jesusca cashna nirca: —Asha punzhacamanllami Achicyachic-huanca canguichic. Chaimanta manarac tutayacpi, Achicyachic-huan cashcacamanca, achicpi purina canguichic. Amsapi puricca maiman ricushcatapish mana yachanchu.

SAN JUAN 12:46

Maijanpish ñucata cricca ama amsapi cachunmi, ñucaca achicyachic luz shina cai pachamanca shamurcani.

SAN JUAN 13:34

Mushuc mandashcatami cancunamanca saquini: Caishuc chaishuchuan c'uyanacuichic. Ñuca ima shinami cancunata c'uyani, chashnallatacmi cancunapish c'uyanacuna canguichic.

SAN JUAN 8:12

Jesusca israelcunaman*f** cutin huillashpaca: —Ñucaca cai pachapi causaccunata achicyachic luzmi cani. Maijanpish ñucata c'aticca mana amsapi puringachu, ashtahuanpish causaita cuc luztami charinga— nirca.

HECHOS 17:30

Cai pachapi causaccunaca Taita Diosta mana ricsishcamanta paicunapac munaita ruhuashpa causacucpipish, Taita Diosca cunancamanca mana llaquichishcachu. Cunanca tucui cai pachapi causaccuna juchayuc cashcamanta llaquirishpa, paipacman cutirichun nishpami mandacun.

HECHOS 26:18

Canmi paicuna amsapi shina causacuccunataca, ñahuita pascac shina alli yuyaita cungui. Chashna ruhuacpimi, Satanás*f** mandacushcamanta anchurishpa, Taita Dios mandashca causangacuna. Ñucata cricpimi, Taita Dios paicunapac juchacunata perdonanga. Shinallatac Taita Dios paipaclla cachun acllashcacunaman cusha nishcatapish chasquingacunami’ nircami.

ROMANOS 13:12

Tutapish ñami pacarimugrin. Chaimanta amsapi ima mana allicunata ruhuanata saquishpa, soldado macanacungapac churarinata churaric shina allita ruhuangapacca, Dios cushcacunata japishpa churarichic.

2 CORINTIOS 8:9

Ñucanchic Apunchic Jesucristo mai c'uyac cashcataca, cancunaca ña yachanguichicmi. Paica achcata charic cashpapish, cancunamantami imata mana charic huaccha tucurca. Chai shina huaccha tucushcamantami, cancunaca achcata chariccuna shina tucunguichic.

EFESIOS 5:8

Ñaupaca amsallapimi cancunaca causarcanguichic. Cunanca Apunchic Jesushuan shuc shinalla tucushcamanta achic luzpimi causacunguichic. Shina cashcamantaca achic luzpi causacuc shina causaichic.

2 TIMOTEO 1:10

Chashnami Quishpichic Jesucristota cai pachaman cachashpa, Taita Diosca c'uyac cashcata ricuchirca. Pai quishpirinamanta huillashpa, huañuita chingachirca, shinallatac mana chingarina causaitapish apamurca.

1 PEDRO 1:21

Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.

1 JUAN 3:23

Paica paipac Churi Jesucristota crichun, shinallatac pai mandashca shina caishuc chaishuchuan c'uyanacuchunmi, ñucanchictaca mandan.

1 JUAN 4:11

C'uyashca criccuna, ima shinami Taita Diospish ñucanchicta c'uyan, chai shinallatac ñucanchicpish caishuc chaishuchuan c'uyanacunami canchic.

1 JUAN 4:21

“Taita Diosta c'uyashpaca, criccunapurapish caishuc chaishuchuan c'uyanacuichic” nishpami, Apunchic Jesusca mandashca.