1 JUAN 2:6 - Nuevo Testamento en Quichua Cañar 1996

⁶ Maijanpish “Taita Dioshuan shuc shinallami cani” nishpaca, Jesucristo causashca shinallatacmi causana can.

Dios Rimashcata Quillcashcami

⁶ Maijanpish Dios-huan shucllami cani nishpaca, Jesucristo causashca shinallatacmi causana can.

1 JUAN 2:6 Iomraidhean Croise

SAN MATEO 11:29

Yuguta apac shina, ñuca yachachishcata c'atichic. Ñucaca mana p'iñaric, alli shungumi cani. Shina cacpimi sumac samarinata taringuichic.

SAN JUAN 13:15

Cancunapish chashnallatac ruhuachunmi, ñucaca chashna jahuashpa ricuchini.

SAN JUAN 15:10

Ima shinami ñuca Taitapac mandashcacunata pactachishpa, paipac c'uyashca cani, chai shinallatacmi cancunapish ñuca mandashcacunata pactachishpa, ñuca c'uyashca canguichic.

1 CORINTIOS 11:1

Ima shinami Cristota ñuca c'aticuni, chai shinallatac ñuca ima shina ruhuacta ricushpa c'atichic.

EFESIOS 5:2

Jesucristo ñucanchicta c'uyac shinallatac, cancunapish c'uyanacushpa causaichic. Paica c'uyashcamantami, Diosman cushpa rupachishca mishquiman ashnacuc shina cangapac, pai quiquinllatac japi tucushpa, ñucanchicmanta huañurca.

1 PEDRO 2:21

Chai shina causachunmi Taita Diosca c'ayarca. Cristoca pai llaquita apashca shinallatac cancunapish llaquita apachunmi, cancunamanta llaquita aparca.

1 JUAN 2:28

C'uyashca huahuacuna, shinashpaca Jesucristo ricuricpi mana manchashpa ñahui ñahui ricuringapacca, paihuan shuc shinalla causaichic. Chashna causashpami pai cutin shamucpica, paipac ñaupapi mana pingashpa tupashun.

1 JUAN 2:4

Maijanpish “ñucaca paita ricsinimi” nishpapish, Dios mandashcacunata mana pactachishpaca llullanllami. Shina cacpimi paipac shungupica imatapish cashcata ruhuashpa causana yuyaica mana tiyan.

1 JUAN 3:24

Pai mandashcata pactachishpa causaccunaca paicunapish Dioshuan, Diospish paicunahuanmi shuc shinalla causancuna. Shina cacpimi pai ñucanchichuan cashcataca, pai cushca Espiritullatac yuyaita cucpi yachanchic.

1 JUAN 3:6

Maijanpish Jesushuan cashpaca, juchata ña mana ruhuanchu. Maijanpish juchata ruhuacca paitaca mana ricushcachu, shinallatac mana ricsishcachu.

1 JUAN 4:17

Apunchic Jesús cai pachapi cashca shinallatacmi, ñucanchicpish cai pachapica canchic. Chaimantami Dios c'uyashca shina c'uyanacushpaca, Taita Dios taripai punzhapica mana manchashpa ricurishun.