1 JUAN 2:18 - Nuevo Testamento en Quichua Cañar 1996

¹⁸ C'uyashca huahuacuna, tucuri punzhacunaca ñami chayamushca. Cancunaman “shuc llullashpa huillac, Cristota p'iñac runa shamungami” nishcataca uyashcanguichicmi. Chai shinallatacmi Cristota p'iñaccunaca ña taucacuna ricurimushca. Chaimantami tucuri punzhacuna ña chayamushcataca yachanchic.

Dios Rimashcata Quillcashcami

¹⁸ Cuyashca huahuacuna, tucuri punzhacunaca ñami chayamushca. Llullashpa huillac, Cristota piñac runa shamungami nishcataca uyashcanguichicmi. Chai shinallatac Cristota piñaccuna ña taucacuna ricurimucpimi tucuri punzhacuna ña chayamushcataca yachanchic.

1 JUAN 2:18 Iomraidhean Croise

SAN MATEO 24:11

Shinallatac achca llullac huillaccunami shamushpa, achca gentecunata llullashpa pandachingacuna.

SAN MATEO 24:24

Chai punzhacunapica ‘ñucami Cristo cani’ nishpa huillaccunapish, ‘Diosmantami huillacunchic’ niccunapish tiyangami. Chaicunaca pi mana ruhuaipaccunatapish, pi mana ricushcacunatapish ruhuashpa ricuchingami. Chashna ruhuashpaca, Taita Dios acllashcacunatapish ima shinapish pandachinatami yuyangacuna.

SAN MATEO 24:5

Achcacunami ñuca shutipi shamushpa: ‘Ñucami Quishpichic Cristoca cani’ nishpa, achcacunata llullashpa pandachingacuna.

MARCOS 13:6

Achcacunami ñuca shutipi shamushpa: ‘Ñucami Quishpichic Cristoca cani’ nishpa, achcacunata llullashpa pandachingacuna.

SAN JUAN 21:5

Chashna cacpimi Jesusca: —Huahuacuna, ¿manachu ima pescadota japishcanguichic?— nishpa tapurca. Chashna tapucpi paicunaca: —Imata mana japinchicchu— nirca.

ROMANOS 13:11

Tucui caicunataca cunan punzhapi tucui ima tucushcata ricushpa yuyarinami canguichic. Ñucanchic crishca punzhamanta ricucpica, Dios quishpichina punzhaca ñami shamucun. Chaimanta ama suiñucuichicllachu, ashtahuanpish riccharishca shina caichic.

ROMANOS 13:12

Tutapish ñami pacarimugrin. Chaimanta amsapi ima mana allicunata ruhuanata saquishpa, soldado macanacungapac churarinata churaric shina allita ruhuangapacca, Dios cushcacunata japishpa churarichic.

HEBREOS 1:2

Shina cacpipish cunan tucuri punzhacunapica, paipac Churitami ñucanchicmanca huillachirca. Taita Diosca Paillahuantacmi, cai pachatapish ruhuarca. Shinallatac tucui ima tiyashcatapish, Paillamantacmi cushca.

1 PEDRO 1:20

Diosca cai pachata manarac ruhuashpami, Cristotaca huañushpa gentecunata quishpichichun nishca. Shina cashpami, cai tucuri punzhacunapi cancunapac allipac quishpichingapac shamurca.

1 PEDRO 1:5

Cancuna Taita Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca ña tucuri punzhacunapimi ricuchinga.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Taita Diosman mañaracuichiclla.

2 PEDRO 2:1

Israelcunapurapica*f** “Diosmantami huillacuni” nishpa, ñaupa llullac huillaccunapish tiyashcami. Chashnallatacmi cancunapurapipish llullashpa yachachiccuna tiyanga. Chashnami paicunata Quishpichic Apunchic Jesusta “mana ricsinichu” nishpa, cancunamanca allita yachachicuc shinalla llaquiman pushac yuyaicunata yachachinga. Chashna yachachishpaca, paicunallatacmi utca llaqui tucugricuncuna.

2 PEDRO 3:3

Tucuimanta yallica caita yuyarichic: Tucuri punzhacunapica quiquin munashca mapacunata ruhuaccunami tiyanga. Paicunaca cancunata burlashpami:

1 JUAN 2:22

Maijanpish “Jesusca mana Quishpichic Cristochu” nicmi, llullashpalla huillacca. Taita Diostapish Diospac Churitapish mana cricmi, Cristota p'iñacca.

1 JUAN 4:1

C'uyashca criccuna, cai pachapica taucacunami “Diosmanta huillaccunami canchic” niccuna tiyan. Shina cacpipish ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.

1 JUAN 4:3

Maijanpish Jesucristota mana chashna yuyacca mana Diospac Espirituta charinchu, ashtahuanpish Jesucristota p'iñac espiritutami charin. Cancunaca chai espíritu shamuna cashcataca ñami uyarcanguichic. Paica ñami cai pachaman shamurca.

2 JUAN 1:7

Cai pachapica llullashpalla huillaccunaca achcacunami puricuncuna. Paicunaca: “Apunchic Jesucristoca mana runa tucushpachu shamurca” nishpami, llullashpa huillancuna. Chaicunaca Apunchic Jesucristota p'iñaccunami.

SAN JUDAS 1:18

Paicunaca: “Tucuri punzhacunapica, paicuna munashca shina mana alli munaillahuan causashpa, asishpa burlaric gentecunami tiyanga” nircacunami.