1 JUAN 2:16 - Nuevo Testamento en Quichua Cañar 1996

¹⁶ Tucui cai pachapi tiyac millai munaicunapish, tucui ricushcata charina munaicunapish, charishcacunahuan jatun tucuna munaicunapish mana Taita Diosmantachu shamun, ashtahuanpish cai pachallami chai munaicunataca cun.

Dios Rimashcata Quillcashcami

¹⁶ Tucui cai pachapi tiyac millai munaicunapish, tucui ricushcata charina munaicunapish, charishcacunahuan jatun tucuna munaicunapish mana Diosmantachu shamun, ashtahuanpish cai pachallami chai munaicunataca cun.

1 JUAN 2:16 Iomraidhean Croise

SAN MATEO 4:8

Cutinllatacmi diabloca Jesusta jatun urcuman pushashpa, tucui llactacunapi ima tiyashca sumaccunata ricuchishpaca:

SAN MATEO 5:28

Ashtahuanpish ñucaca cashnami nini: Maijanpish shuc huarmita ricushpa munashpaca, paipac shungupica ña huacllirinacushca shinallatacmi.

SAN LUCAS 4:5

Chashna nishca q'uipami, Satanasca jatun urcu jahuaman Jesusta pushashpa, shuc ñahui quimllaillapi cai pachapi tiyac tucui llactacunata ricuchirca.

ROMANOS 13:14

Chaipac randica Apunchic Jesusta churanataca churaric shina, paihuan tucushpa millaita mishaichic. Ashtahuanpish ama cai pacha jucha munashcata ruhuaichicchu.

1 CORINTIOS 10:6

Tucui chaicunaca, paicuna millaita munashca shina ñucanchicpish ama millaita ruhuachunmi, chashnaca tucurca.

GÁLATAS 5:17

Millai munaicunaca Diospac Espiritupac munaitaca p'iñanmi. Shinallatac Diospac Espiritupish millai munaicunataca p'iñanllatacmi. Chashna ishcaimanta mana apanacuc cashcamantami, ima munashcatapish mana ruhuai pudinguichic.

GÁLATAS 5:24

Shinallatac maijanpish Jesucristopac caccunaca cai pacha jucha munaicunandic, imapish yallita mana alli yuyaicunandicmi chacatashca shina causacun.

EFESIOS 2:3

Shinallatacmi tucui ñucanchicpish ñaupaca quiquin munaita ruhuashpa, cai pacha jucha munashcallata, ñucanchic yuyashcallata c'atishpa causarcanchic. Chashna quiquin munashcata c'atishpa juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

TITO 2:12

Chai c'uyaimi mana allita ruhuanatapish, mana alli munaicunatapish saquinata yachachishpa, cai pachapica alli yuyaihuan allillata ruhuashpa, Diosta cazushpa causanata yachachicun.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna mana allillapi causacushpami, shuccuna ama charichun munashpa, caishuc chaishuchuan p'iñanacushpa causacurcanchic.

SANTIAGO 3:15

Chai shina yachac tucushca canataca Diosca mana cunchu, ashtahuanpish chai yuyaica cai pacha gentecuna yuyashcallami. Chai yuyaitaca diablollatacmi cun.

SANTIAGO 4:16

Ashtahuanpish cancunaca jatun tucushpami: “Caitapish, chaitapish ruhuashunmi” nicunguichic. Chai shina jatun tucushpa rimanaca mana allichu.

1 PEDRO 1:14

Alli cazuc huahuacuna shina, Diosta cazuichic. Diosta manarac ricsic cashpa, jucha munashca shina causanataca ama munaichicchu.

1 PEDRO 2:11

C'uyashca criccuna, cancunaca caru llactamanta shamushpa, causac shinallami cai pachapica canguichic. Cai pacha jucha munaicunaca cancunapac almahuanca macanacucunmi. Shina cashcamanta chai munaicunamanta huacaichirichun ninimi.

2 PEDRO 2:10

Tucuimanta yallica, Mandac Diosca pai Mandac cachun mana chasquiccunatapish, mana alli munaihuan c'atic imapish mapa mana allita ruhuaccunatapish llaquichingami. Paicunaca mana cazuccunami, imapipish c'ariyaccunami, shinallatac imatapish ruhuaclla jahua pachamanta mandaccunatapish mana manchashpa c'amiccunami.

2 PEDRO 2:18

Paicunaca yanga mapa rimaicunallatac sinchita rimashpami, “allimi canchic” nincuna. Chashnami quiquin munashca mapacunata ruhuashpa, mana alli causaccunapuramanta cunanlla anchurishcacunatapish cutin pandachincuna.