1 CORINTIOS 5:4 - Nuevo Testamento en Quichua Cañar 1996

⁴ Cancuna tucui mashna tandanacushca cacpica, ñucapish ñuca yuyaipica cancunahuanmi casha. Shinallatac imatapish ruhuaclla ñucanchic Apunchic Jesuspish cancunahuanmi canga.

Dios Rimashcata Quillcashcami

⁴ Cancuna tucui tandanacushca cacpica, ñuca yuyaipish, Apunchic Jesucristopac poderpish cancunahuanmi canga.

1 CORINTIOS 5:4 Iomraidhean Croise

SAN MATEO 16:19

Canmanca jahua pacha Taita Dios mandacucman yaicuchic llavecunatami cusha. Can cai pachapi imata mana allichu nishcaca, jahua pachapipish mana alli nishcallatacmi canga. Shinallatac can cai pachapi imata allimi nishcaca, jahua pachapipish alli nishcallatacmi canga— nirca.

SAN MATEO 18:20

Maipimi ishcaillapish, quimsallapish ñuca shutipi tandanacushca canguichic, chaipimi ñucaca cani— nirca.

SAN MATEO 28:18

Jesús paicunapacman cuchuyashpaca: —Taita Diosca ñucataca, cai pachapi jahua pachapi tucui imatapish Mandactami ruhuarca.

SAN MATEO 28:20

Ñuca cancunaman mandashpa yachachishca shinallatac, paicunapish cazuchun yachachinguichic. Ñucaca cai pacha tucuringacamanmi, cancunahuanca casha— nirca.

SAN JUAN 20:23

Pipish cancunata mana allita ruhuacpi perdonacpica, paicuna juchata ruhuashcamanta perdonashcami canga. Shinallatac pipish cancunata mana allita ruhuacpi mana perdonacpica, paicuna juchata ruhuashcamantaca mana perdonashcachu canga— nirca.

HECHOS 16:18

Ña tauca punzhacunata chashna nishpa ñucanchicta c'aticucllapimi, ña mana uyanachishpa Pabloca tigrarishpa, chai huambrapi cac supaitaca: —¡Jesucristopac shutipimi, cai huambramanta llucshi nini!— nirca. Chashna nicpi, supaica chai huambramantaca llucshircallami.

HECHOS 3:6

Chashna chaparacucpimi Pedroca: —Ñucaca cullquitapish, curitapish mana charinichu. Chashna cashpapish ñuca charishcatami canman cuni. Nazaret pueblomanta Jesucristopac shutipimi, ‘jatarishpa puri’ nini— nirca.

HECHOS 4:30

Shinallatac can quishpichichun cachashca Jesushuanca, ungushcacunata alliyachiccuna cachun, pi mana ruhuaipaccunata ruhuaccuna cachunpish, ñucanchictaca ruhuaiyari. Canca imatapish ruhuacllami cangui” nishpami mañarcacuna.

2 CORINTIOS 13:10

Ñuca cancunapacman rishpa ama yallita mandashpa llaquichingapacmi, manarac ricungapac rishpa, caita quillcashpa cachani. Apunchic Jesús mandashpaca, mana cancunata chingachichunchu mandarca, ashtahuanpish cancunata alli cricta ruhuashpa, ashtahuan sinchiyachichunmi mandarca.

2 CORINTIOS 13:3

Chashna cacpimi Cristo ñucata huillachicushcatatac yachanguichic. Cancunapurapi cac Cristoca imata mana ruhuaipac shinaca mana canchu, ashtahuanpish imatapish ruhuaclla cashcatami ricuchicun.

2 CORINTIOS 2:6

Chai llaquichic runataca cancunapuramantaca taucacunami ña llaquichishcanguichic. Chaimanta ña chailla allimi.

EFESIOS 5:20

Ñucanchic Apunchic Jesuspac shutipi punzhanta imamantapish Taita Diostaca pagui nicuichiclla.

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Taita Diostaca pagui nina canguichic.

2 TESALONICENSES 3:6

C'uyashca criccuna, Apunchic Jesuspac shutipimi ñucanchic yachachishcata mana cazushpa, mana trabajasha nishpa puric criccunahuanca ama tandarichun ninchic.