1 CORINTIOS 2:8 - Nuevo Testamento en Quichua Cañar 1996

⁸ Chaita mana yachashcamantami, cai pacha mandaccunaca Apunchic Jesustaca chacatarcacuna. Paicuna yachashca cashpaca, sumaimana Apunchic Jesustaca mana chacatanmanchu carcacuna.

Dios Rimashcata Quillcashcami

⁸ Chaitaca cai pacha mandaccunaca mana yacharcacunachu. Paicuna yachashca cashpaca, Mandac Apunchic Jesustaca mana chacatanmanchu carca.

1 CORINTIOS 2:8 Iomraidhean Croise

SAN MATEO 11:25

Chai q'uipami Jesusca: “Jahua pachata cai pachata Mandac ñuca Taitalla, cantaca ‘allimari cangui’ ninimi. Canca cai yachanacunataca alli yuyaiyuc, alli yachaccunamanca pacashpami mana yachachishcangui, ashtahuanpish huahuacuna shinamanmi, yachana yuyaita cushpa yachachishcangui.

SAN MATEO 13:22

Casha chaupipi urmashca muyu shinaca, Taita Dios rimashca shimita uyashpapish, cai pachapi imatapish charina yuyaicuna, shinallatac charishpapish ashtahuan charina yuyaicuna shamushpami, chai uyashcataca aguachic shina chingachinlla. Shina cashpami, mana p'ucuc muyu shina ricurincuna.

SAN LUCAS 23:34

Chashna chacatacpipish Jesusca: —Ñuca Taitalla, perdonai. Cai gentecunaca ima ruhuacushcata mana yachancunachu— nirca. Cutin soldadocunaca Jesuspac churanacunata japinacungapacca, suertetami ruhuarcacuna.

SAN JUAN 16:3

Ñucatapish, ñuca Taitatapish mana ricsishcamantami chai shinaca ruhuangacuna.

SAN JUAN 7:48

¿Mandac israelcunapish,*f** ñucanchic fariseocunapuramantapish crishcachu, imatacyari?

SAN JUAN 8:19

Shina nicpi paicunaca: —¿Maipitac cambac taitaca?— nircacuna. Chaimanta Jesusca: —Cancunaca ñucatapish, ñuca Taitatapish mana ricsinguichicchu. Cancuna ñuca pi cashcata ricsishpaca, ñuca Taitatapish ricsinguichicmanmi— nirca.

HECHOS 13:27

Jerusalenpi causaccunapish, paicunata mandaccunapish, Jesús pi cashcataca mana yacharcacunachu. Diosmanta ñaupa huillaccuna huillashcata samana punzhacunapi rizashcata uyashpapish, mana entendishpami Jesusta huañuchishpaca, paicunallatac chai huillaccuna huillashcataca pactachircacuna.

HECHOS 7:2

Chashna tapucpi Estebanca: —Caipi tandanacushca tucui Israel*f** huauquicuna, taitacuna, ñuca rimashcata uyaichic. Sumac Taita Diosca ñucanchic ñaupa taita Abrahammanca, manarac Harán pueblopi causangapac ricpimi, Mesopotamia llactapi ricurirca.

1 CORINTIOS 1:20

Cai pachapi “yachacmi cani” niccunata Taita Dios yangata ruhuacpica, cai pacha gentecuna yuyashca shina jatun yachaccunapish, shinallatac imata yachaihuan rimacpish, ¿maipitac canga?

1 CORINTIOS 2:6

Shina cashpami ña sinchi criccunapura cashpaca, yachac tucuna rimaicunahuan rimanacunchic. Ashtahuanpish cai yachac tucuna rimaicunaca mana cai pachamantachu, mana jatun mandaccunamantachu. Mandaccunaca chingariccunallami.

2 CORINTIOS 3:14

Shina cacpipish israelcunaca mana entendircacunachu. Shinallatac ñaupaman Dios ari ninacushcataca cunan punzhacamanmi paicuna rizashpapish, paicunapac yuyai pañuhuan jarcashca shina cacpi, mana entendincuna. Chai jarcashca pañutaca Jesucristollami anchuchinga.

EFESIOS 1:17

Diospac Espíritu yuyaita cushpa ricuchicpi cancuna Diosta alli ricsichunmi, ñucanchic Apunchic Jesucristopac sumaimana Taita Diosman mañacuni.

EFESIOS 4:18

Paicunaca amsa yuyaillata charishpami, mana alli yuyaita japincuna. Paicunaca Diosmanta shamuc mushuc causaitaca, yuyai illac rumi shungu cashcamantami mana chasquincuna.

1 TIMOTEO 1:13

Ñaupaca criccunata llaquichishpa, Jesusta p'iñashpa c'amicmi carcani. Shina cacpipish manarac cric cashpa, imata ruhuacushcata mana yachashcamantami, Taita Diosca ñucata llaquirca.

SANTIAGO 2:1

Ñuca c'uyashca criccuna, cancunaca ñucanchic sumaimana Apunchic Jesucristota criccuna cashcamantaca, “caica allimi, chaica mana allichu” nishpaca, mana ch'icanyachinachu canguichic.