Mateo 8:4 - Diosbuj Shimi - Mushuj Testamento (Quichua Salasaca)

⁴ Chi k'ipa Jesusga kashna nisha manduga: “P'akta pimush parlanguimu. Kambuj lepra ungui anchushkada tukiguna yachachunguna ri, curamu rikuringui, shinaidi Moisés mandushka shina Diosmu kunada apusha ringui.”

Mateo 8:4 Iomraidhean Croise

Mateo 10:18

Shinaidi mandujkunamush jatun mandujkunamush Ñukaj yachajkuna gashkamunda paigunaj ñaubujmu pushushkami ganguichi. Shina rurukiga paigunamush na israelgunamush Ñukamunda parli pudinguichi.

Mateo 16:20

Chi k'ipa Jesús Paibuj yachagujkunada Pai Cristo gashkadaga pimush ama parlachunmi manduga.

Mateo 17:9

Ña jawa urkumunda uriyagushaga, “Kai rikushkadaga Aichayuj tukushka Churi wañushkagunapuramunda kausaringagama ama pimush parlunguichichu,” nisha Jesús manduga.

Mateo 3:15

Shina niki Jesusga, “Kununllaga shinash saki; Dios tuki mandushkadami p'aktachina ganchi,” niga. Chimundami nisha Juanchuga bautizaga.

Mateo 5:17

“Moisés mandushkada Dios nishkada parlujkuna yachachishkadash nishaga ama yuyunguichichu. Ñukaga na chingachingabuj shamushkanichu, ashtangarin alli yachachisha p'aktachingabujmi shamugani.

Mateo 6:1

Jesús yachachish katisha kashna niga: “Ima alligunada rurushash p'akta gentegunaj ñaubuki paiguna rikuchun nishalla rurunguichimu. Shina rurukiga jawa pachabi tiyuj kangunaj Taitaga ima alli kumbidanadash na kungachu.

Mateo 9:30

Shinami cigugunaga rikuj tukugaguna. Chi k'ipa Jesusga, “P'aktalladi pish yachuj chayanmu,” niga.

Marcos 13:9

“Kangunaidi yuyin puringuichi. Kangunada japishaga mandujkunamu kusha kachungagunami. Shinaidi Diosmunda yachana wasigunabi azilgun jinchida takungagunami. Ñukaj kauzamunda kai llaktada mandujkunajmu jatun mandujkunaj ñaubujmush kayungagunami. Shina pushaki chibi Ñukamunda rimari pudinguichi.

Marcos 3:12

Shina kaparikimi Jesusga, “P'akta Ñuka pi gashkamada tukigunamu yachi chayachigunguichimamu,” nisha rimuga.

Marcos 5:43

nisha mandushka k'ipami nisha kachuga.

Marcos 6:11

Kanguna chayushka pushtubi na japish nisha uyilladash na uyanachikiga kangunaj chaki achpada chaspisha na uyanachishkada rikuchingu chimunda llujshisha ringuichi,” nisha yachachisha kachuga.

Marcos 7:36

Kishna alliyachishkamunda nishami Jesusga kachuga. nishkash ashtan taugagunamumi nigaguna.

Marcos 8:30

Pedro shina nikimi Jesusga yachagujkunadaga <Ñuka pi gashkadash ama pimush parlunguichichu> niga.

Marcos 9:9

Urkumunda uriyagushami Jesusga niga.

Lucas 17:14

Jesús rikusha kashna niga, “Kangunaj aichada rikuchingu curagunajmu richi.” Shina rigujllabidimi paigunaj unguiga linshu alliyaga.

Lucas 21:13

Paigunaj ñaubujmu pushukish kangunaga ashtan Ñukamunda parli pudinguichimi.

Lucas 4:41

Ungushkagunajmunda yanaguna llujshishaga, “Kanga Diosbuj Churimi gangui,” nisha kaparigaguna. Shina kapariki Jesusga, “Upallichi,” niga. Dios agllusha kachushka Cristo gashkada yachashkamundami paigunadaga kaparichunga na sakiga.

Lucas 5:14

Chi k'ipa Jesusga kashna nisha manduga, “P'akta pimush parlanguimu. Ri, curamu rikuringui. Linsharishkamunda Moisés mandashka shina Diosmu kunada apusha ringui. Shinami kambuj lepra ungui anchushkada tukiguna yachunga.”

Lucas 8:56

Paibuj taita mamaga kausarijta rikusha mancharigaguna. Jesusga, “Kaidaga p'akta pimush parlunguichimu,” nisha mandaga.

Lucas 9:21

Jesusga paigunada kashna niga, “Ñuka pi gashkadaga ama pimush parlunguichichu.”

Juan 5:41

“Ñukaga genteguna nishkadaga na japisha ninichu.

Juan 7:18

Maijin kikinbuj yuyillamunda parlujka kikin nishka gangujllami mashkun; ashtanbish maijin paida kachujta nishka gachun mashkujka paimi kabishkada parluj imamundash na juchachibuj gan.

Juan 8:50

Shinash Ñukaga Ñukada jatunyachichunga na mashkanichu. Shujmi jatunyachichun mashkujka tiyan, Paimi kabishkadi juchachij gan.