Mateo 21:10 - Diosbuj Shimi - Mushuj Testamento (Quichua Salasaca)

¹⁰ Jerusalenmu Jesús waiguki tuki chibi kausajkunami bullaidi jatarisha kaida chaida yuyusha “¿Kaiga pidikun?” nigaguna.

Mateo 21:10 Iomraidhean Croise

Mateo 2:3

Jatun manduj Herodesga kai nishkada uyusha tuki layaidi yuyarisha muspariga; tuki Jerusalenbi kausujkunash shinaidi tukuga.

Mateo 21:11

Shina niki gentegunaga, “Dios nishkada parluj Jesusmigun, Galilea llaktabi tiyuj Nazaret pueblomunda,” nigaguna.

Mateo 21:9

Shinaidi ñaubusha rijkunash washada katijkunash kashna nisha kaparigaguna: “¡Hosana Rey Davidbuj Churi! Manduj Diosbuj shutibi shamujtaga ninchimi. ¡Jawa pachabish Hosana nishka gachun!”

Lucas 20:2

kashna tapugaguna, “¿Pi mandakidi kashna ruragungui? ¿Pidi kanda kashna rurachigun?”

Lucas 5:21

Moisés mandashkada yachachijkunash fariseogunash kashna yuyungu kallarigaguna, “Dios tukusha rimaringujka ¿pidikun paiga? ¡Diosllami juchagunada perdoni pudin!”

Lucas 7:49

Shina niki chibi gajkunaga kashna tapunukungu kallariga, “Kai juchagunadash perdonajka ¿pidijkun?”

Lucas 9:9

Herodesga kashna niga, “Paiga na Juanchuchunga. Ñukaidimi kungada p'itichunga kachagani, ashtan kai k'arimunda imadadikish parlujkunada uyani. Shinaga ¿pidikun paiga?” Chimunda Herodesga Jesusta paidij rikungu munaga.

Juan 2:18

Chimunda israelgunada mandujkuna, “¿Imadi gangui kashna rurungujka? ¿Ima pi na ruri pudishkadadi rurusha rikuchisha ninguiri?” nisha Jesusta tapugaguna.

Hechos 9:5

“Manduj ¿pidij gangui?” nisha tapukimi, chi shimiga, “Ñukaga kan katik'ichushka Jesuslladimi gani.