Mateo 2:6 - Diosbuj Shimi - Mushuj Testamento (Quichua Salasaca)

⁶ ‘Kan Belén pueblo Judaj achpamunda Judaj achpabi tiyuj mandujkunamunda na uchillachu gangui. Ashtangarin kanmundami shuj jatun manduj llujshinga. Paimi ñukaj agllashka israelgunadaga michij shina pushunga.’ ”

Mateo 2:6 Iomraidhean Croise

Mateo 2:1

Jatun mandaj Herodes mandashka p'unllagunaga Jesús Judea llakta Belén pueblobi wacharishka k'ipaga indi llujshina ladumunda yachuj tukushkaguna Jerusalén pueblomu chayushaga,

Mateo 28:18

Jesús paigunajmu kuchuyashaga, “Diosmi Ñukamunga kai pachadash jawa pachadash tuki imadash mandachun kushka,” niga.

Juan 21:16

Kutinlladi Jesusga, “Juanchuj churi Simón, ¿Ñukada k'uyanguichu?” nisha tapuga. Chimunda Pedroga, “Ari, Mandujlla; ñuka Kanda k'uyashkada Kanlladi yachunguimi,” niga. Shina niki Jesusga, “Ñukaj ovejagunada michingui,” niga.

Juan 7:42

Diosbuj Shimibiga Cristoga Rey Davidbuj wawagunaj wawagunamundaminga, shinaidi Davidbuj pueblo Belenmundami shamunga nisha ¿nachu nin?” nigaguna.

Efesios 1:22

Shinaidi imalla tiyajtash illujta Cristoj chaki sarunabi churushami Paidaga tandanukushka crijkunamush kusha uma shina tukida mandachun churuga.

Colosenses 1:18

Cristoga umami, iglillaga cuerpomi. Paimi kallarij gan. Tukibi Pailla yalli gangajka Pailladij wañushkagunaj chaubimunda ñaubusha kausariga.

Hebreos 7:14

Ñukuchij Mandajka Judá tribumunda gashkadash alli yachashkami gan. Moisesbish piguna cura ganashkada parlashaga chi tribumundaga imadash na nigachu.

Apocalipsis 11:15

Sujtaj k'ipada katij ángel buzinada tukukiga, jawa pachamunda jinchida parlarisha kashna nishka shimiguna uyariga: “Kai pachada mandanaga ñami ñukuchida Manduj Diosbuj shinaidi Pai agllashka Cristoj gan, shinaidi Paiga ima urash na tukuringamami mandunga.”

Apocalipsis 2:27

Ima layami Ñuka Taita shuj mandanada Ñukamu kuga, shinaidimi paigunamush kusha. ‘Shina kuki achpa mangada ñutushtaj laya jirru varan mandangami.’ Shinaidi p'unllayanaj rikurij luzerodashmi paigunamunga kusha.

Apocalipsis 7:17

Ashtanbish mandusha tiyarina kuchubi tiyaj Malta Ovejami paigunadaga michij shina chapanga, Paimi kausida kuj yaku p'ugyugunamu pushanga, shinaidi Diosmi paigunaj ñawigunamunda iki llujshishkadash chakichinga.”