Mateo 13:11 - Diosbuj Shimi - Mushuj Testamento (Quichua Salasaca)

¹¹ Shina tapuki Jesús niga, “Diosmi Paibuj mandanamunda pakalla tiyashkagunada kangunamunga yachachun kushka. Ashtanbish paigunamunga na shina yachachun kushkachu.

Mateo 13:11 Iomraidhean Croise

1 Corintios 2:14

Diosbuj Espirituda na charijka, Espíritu kushkagunadaga na japish ninchu. Paimunga pugllashka shinallami, shinaidi imadash na intindinchu. Espíritu yuyachijllabimi yachi pudin.

Mateo 19:11

Jesús niga, “Na tukiguna kai parlushkadaga ni pudingunachu. Ashtanbish maijingunamu Dios chi yuyida kushkagunallami pudinguna.

Santiago 1:5

Kangunapuramunda maijinbish ashtan yachana jualtakiga, Diosta mañi; Paiga kungami. Pimush na mitsushalla imadash na rimashalla tuki mañujkunamunga kujmi gan.

1 Juan 2:27

Ashtangarin Paimunda japishka Espirituga kangunabi gagukimi, pi yachachichunbish na ministinguichichu. Chi Espiritulladimi tukida yachachin; chi yachachishkaga na llullashkallachu, ashtangarin kabishkami gan. Chimunda Pai yachachishka shina Criston shujllami gagunguichilla.

1 Juan 2:20

Ashtanbish kangunaga Ima Juchash Illujbuj Espirituda charishkamundami tukida yachanguichi.

Mateo 16:17

Chimunda Jesusga, “Kan Jonasbuj churi Simón, kushilla gangui. Pi gentesh kanmunga kaidaga na rikuchishkachu; ashtanbish jawa pachabi tiyuj Ñuka Taitallami kaidaga rikuchishka,” niga.

Efesios 1:9

pish na yachushka Pai rurush nigushkadaga ñukuchimumi yachi chayachiga. Chidaga Dios munashka shina ñaubarijtimi Cristomunda allida rurungu yuyashkaga.

Efesios 5:32

Kai pakalla tiyashkaga manchanaidi yachi chayanami; ashtanbish kaimunda ñuka parlushaga Criston tandanukushka crijkunan ima shina gashkadami niguni.

Romanos 16:25

Alli Shimida ñuka parlushka shina, Jesucristomunda yachachishka shina, kai pachada narij rurashkamunda pacha pakalla charigushkada pish na yachushkada rikuchishka shinami Dios kangunada jinchiyachingu pudin; chimunda Paidaga nishunchi.

Lucas 8:10

Chimunda Jesús kashna niga, “Kangunamunga pi na rijsishka Diosbuj mandanadaga Pailladimi rijsichin. Shujkunamunga rikushash na rikushka shina, uyushash na intindishka shina tukuchunmi yuyachinagunallanga parlani.”

1 Corintios 15:51

Pish narij yachashkadami yachachun munani. Tukigunaga na wañushunchu, ashtangarin ñash ñawi ichki shinabi, shinaidi shuj tukurij trompeta tukashka uyariki tukiguna shujtijta rurashkami gashun. Trompeta tukashka uyariki wañushkagunaga na ismuj cuerpon kausachishka ganga. Ñukuchiga shujtijta rurashkami gashun.

1 Corintios 2:7

Ashtangarin pish na yachushka Diosbuj yachimundami parlanchi. Chi yachiga pakushkamiga. Ñukuchi nishka gachunmi chidaga ñaubamunda pacha munusha churushka.

Juan 6:65

Jesús kutin parlarishaga, “Shinushaga Taita pushamusha na kukiga maijinbish Ñukajmunga na shami pudinchu, niganimi,” niga.

1 Timoteo 3:9

Ashtangarin Diosta crinamunda pish na yachushka yachanagunada linshu yuyin wakichichun.

1 Corintios 13:2

Dios nishkada parlashash, pi na yachushkada intindishash, tuki yachanada yachuj gashash, urkugunada shujtijmu churangaj manchanaidi crij gashash, k'uyida na charishaga imash na ganichu.

Marcos 4:11

Jesusga, “Kangunamumi Diosga Paibuj mandanamunda pi na rijsishkada yachi chayachishka. Chaishuj washabi gajkunamunga yuyachinagunallanmi parlani,

Colosenses 2:2

Paigunaj shungubi ñaubujmu katina yuyida japichun, k'uyanukusha tandanukushka gachun, illujta intindisha alligunada charijkuna gachun nishami jinchi jinchi shayarini. Shinami Diosbuj pakalla charishkaga Cristo gashkada yachangaguna.

Efesios 6:19

Shinaidi ñuka shimida paskuki Dios ñukamu parlana yuyida kuchun Alli Shimimunda pakalla tiyashkadaga na manchushalla yachi chayachingau ñukamundash mañichi.

1 Corintios 4:7

¿Pidi kandaga ninri? Kan imalla charishkadaga ¿nachu tukida Dios kuga? Shinaga Pai kushkakiga ¿ima nishadi kambuj trabajonlla japishkada yuyangui?

1 Corintios 4:1

Shinusha kanguna ñukuchidaga Cristoda sirvijkunashkada, shinaidi Dios kushka pish na yachashkada yachachichun mingushkaguna gashkadash yuyachun.

Juan 7:17

Maijinbish Dios munushkada rurush nijka, Ñuka yachachishkaga Diosmundachu, na gashaga Ñukaj munillamundachu gashkada yachanmumi.

1 Timoteo 3:16

Pish na intindibuj ñukuchi crishkaga yalli jatunmi. Chidaga ningujka pish na ni pudinchu: Paiga aichayuj tukusha rikurigami. Pai kabishka gashkada Diosbuj Espíritu rikuchiga. Angelgunash Paidaga rikugagunami. Llaktagunabi Paimundaga parlugagunami. Kai pachabi Paidaga crigagunami. Jawa pachamu Diosbuj k'uillabi gachun pushashkamiga.

Efesios 1:18

Kangunaj yuyidash p'unllayachij shina paskachunmi mañani. Shina paskakimi kangunaga imada shuyangaj kayushka gashkadash, Dios Paibujlla gajkunamu kuna gashkaga tukida yalli k'uilla munanaidi gashkadash,

Hechos 16:14

Tiatira pueblomunda shamusha k'uilla papa sisa laya morado linsogunada k'atuj Lidiash chibimiga. Kai warmiga Diosta nij gasha Pablo nishkada alli uyagukimi paibuj shunguda paskuj shina Mandaj ruraki Pablo nishkada alli japiga.

Mateo 13:10

Chimunda Jesusbujmu Paibuj yachagujkuna kuchuyasha tapuga kashna nisha: “¿Imamundadi gentegunamuga yuyachina parlugunan yachachingui?”

Mateo 20:23

Chimunda Jesús niga, “Kangunaga kai jayuj yakuda ubianguichillami, ashtanbish Ñukaj alli ladumu lluki ladumu tiyarichun kunaga na Ñukajka kabinchu. Ashtanbish maijin Ñukaj Taita chibi tiyarichun nishkallagunamumi kushka ganga.”

Marcos 10:40

Ñukaj alli ladubish lluki ladubish tiyachingujka na pudinichu. Parijasha agllashkagunamumi kushka ganga,” niga.

Romanos 11:25

Wauki paniguna, kanguna yachuj tukushkaidi ama gachunmi kai pakalla tiyashkada yachachun munani: crij tukuna gaj na israelguna tukiguna crij tukungamallami maijin israelgunaga llumiyashka shungu tukushkagunaga.