Mateo 11:5 - Diosbuj Shimi - Mushuj Testamento (Quichua Salasaca)

⁵ Na rikujkunash rikun, suchugunash purin, lepra unguiyujkunadash alliyachishkamigun, na uyajkunash uyun, wañushkagunadash kausachishkamigun, shinaidi na charijkunamush Alli Shimida parlashkamigun.

Mateo 11:5 Iomraidhean Croise

Mateo 10:8

Ungushkagunada alliyachichi. Wañushkagunadash kausachichi. Lepra unguiyujkunadash linshuyachichi. Shinalladi yanagunadash llujshichichi. Kaigunada rurushaga kai poderda yanga japishkamundaga ama cobrunguichichu.

Mateo 11:4

Shina niki Jesusga niga, “Imada rikushkada shinaidi imada uyashkadash Juanchujmu risha parlanguichi.

Mateo 12:13

Shinushami chi k'aridaga, “Makida chutallada churi,” niga. Makida chutallada churunmi alliyasha chaishuj maki laya sanu sakiriga.

Mateo 21:14

Diosbuj wasibi na rikujkunama suchugunama Jesusbujmu kuchuyaki Paiga alliyachigallami.

Mateo 5:3

“Kushiyachishka ganguichi, mashnalla Diosta ministishkada yuyarijkuna; Diosbuj mandanaga kangunajmigun.

Mateo 9:30

Shinami cigugunaga rikuj tukugaguna. Chi k'ipa Jesusga, “P'aktalladi pish yachuj chayanmu,” niga.

Marcos 7:37

Shinada yachushami manchanai mancharisha kushiyashaga, “Paiga tukida alli rurushami ¡na uyajkunadash uyachinmi! ¡Upagunadash rimarichinmi!” nigaguna.

Marcos 9:25

Taugaguna tandanukumugujta Jesús rikusha ayada rimungu kallarishaga, “Na rimuj, na uyuj aya, ¡kai maramunda llujshichunmi mandani! ¡Kutinga ama paibi waiguchunbishmi mandani!” niga.

Lucas 4:18

“Manduj Dios agllashkamundami Paibuj Espíritu Ñukabi gan. Parlachun kachashkami gani. Imadash na charijkunada alli shimigunada parlachun, prezu tiyajkunada kacharichichun, na rikujkunada rikujta rurachun, llakichishka kausujkunada kacharichij shina rurachun kachuga.

Juan 10:25

Shina niki Jesusga kashna niga: “Ñami kangunamu nigani, shinash na cringuichichu. Ñukaj Taitaj shutibi rurushkagunami laru rikuchigungandi.

Juan 10:38

Ashtanbish Taita rurushka laya rurakiga Ñukada na crishash Ñuka rurushkagunalladash crichiri; shina crishallami Ñukaj Taita Ñukabi gashkada shinaidi Ñukash Paibi gashkada ashtan illujta alli yachunguichimu,” niga.

Juan 2:23

Pascua pishta p'unllagunabi, Jesús Jerusalenbi gasha pish na ruri pudishka rikuchinagunada ruraki, taugaguna chida rikusha Paibuj shutibi crigaguna.

Juan 3:2

Paiga Jesusta tuta rikungu rishaga, “Yachachij, ñukuchimu yachachichun Dios kanda kachushkadaga yachanchimi; maijinbish Dios paigun na igulda gakiga, pish na ruri pudishka rikuchinagunada kan ruragushka layaga, na ruri pudinmuchu,” niga.

Juan 5:36

Shina gakish Ñukaga Juanchu parlushkamundash ashtandi yallidami rikuchinada charini. Ñukaga Ñukaj Taita rurachun nishkagunalladami rurani; kai rurushkagunaga Ñukaj Taita Ñukada kachushkadami rikuchin.

Juan 9:7

“Siloé yaku tandarishka kuchabi maillungu ri,” niga. (Siloé nishaga nishami nin). Shina niki na rikujka chimu risha maillarishaga ña rikujmi shamuga.

Hechos 2:22

“Uyichi, israelguna. Diosga Nazaretmunda Jesús pish na rikushkada, pish na ruri pudishkada, k'uilladi mancharinagunada rurachisha kangunapurabi rikuchiga. Chidaga kangunaidi allimi yachunguichi.

Santiago 2:5

Ñuka k'uyashka wauki panigunalla, kaida uyichi: kai pachabi imadash na charijkunadaga Diosta crishkabi charijkuna laya tukuchun, Paida k'uyujkunamu nishka Diosbuj mandanada japichunbish Diosmi agllushka.