Lucas 7:22 - Diosbuj Shimi - Mushuj Testamento (Quichua Salasaca)

²² Chimundami Jesusga, “Kanguna rikushkada, uyashkada Juanchumu parlangu richi: ñawi na rikujkunash rikujta, suchugunash purijta, aichada ismuchij unguiyujkunadash alliyachishkada, na uyajkunash uyajta, wañushkagunadash kausachishkada, na charijkunamush Alli Shimida parlashkada.

Lucas 7:22 Iomraidhean Croise

Mateo 11:5

Na rikujkunash rikun, suchugunash purin, lepra unguiyujkunadash alliyachishkamigun, na uyajkunash uyun, wañushkagunadash kausachishkamigun, shinaidi na charijkunamush Alli Shimida parlashkamigun.

Mateo 21:14

Diosbuj wasibi na rikujkunama suchugunama Jesusbujmu kuchuyaki Paiga alliyachigallami.

Lucas 4:18

“Manduj Dios agllashkamundami Paibuj Espíritu Ñukabi gan. Parlachun kachashkami gani. Imadash na charijkunada alli shimigunada parlachun, prezu tiyajkunada kacharichichun, na rikujkunada rikujta rurachun, llakichishka kausujkunada kacharichij shina rurachun kachuga.

Lucas 7:21

Tapugujllabidimi Jesusga ungushkagunada, manchanai llakichishka gajkunada, yana katishkagunada na rikujkunadash rikujta rurasha alliyachiga.

Lucas 7:23

¡Ñukaj kauzamunda na trankarishalla crishkada katijka kushillami gan!” niga.

Juan 1:46

Natanaelga, “¿Nazaretmundaga ima alligunadi llujshi pudingari?” niki, Felipega, “Shinadijka jaku rikungu,” niga.

Hechos 26:18

ama tutabi shinalla purisha paigunaj ñawida paskuj shina p'unlla layada rikuchun Satanasbuj podermunda llujshisha Diosta katichun. Ñukada crikimi Diosga juchagunadash perdonanga. Shinami Pai linshuyachishkagunamu nishkadash japingaguna,’ niga.”

Hechos 8:7

Tauga yana katishkagunada alliyachikimi yanagunash kaparisha llujshiga. Tauga suchugunash ringugunash alliyachishkami gaga.

Santiago 2:5

Ñuka k'uyashka wauki panigunalla, kaida uyichi: kai pachabi imadash na charijkunadaga Diosta crishkabi charijkuna laya tukuchun, Paida k'uyujkunamu nishka Diosbuj mandanada japichunbish Diosmi agllushka.