Lucas 6:6 - Diosbuj Shimi - Mushuj Testamento (Quichua Salasaca)

⁶ Shuj samana p'unllabi Jesusga Diosmunda yachana wasimu waigusha yachachingu kallariga. Chibimi alli maki chakirishkada charij k'ari tiyaga.

Lucas 6:6 Iomraidhean Croise

Mateo 4:23

Jesusga illujta Galileada purishami Diosmunda yachana wasigunabi yachachiga. Diosbuj mandanamunda Alli Shimida parlaga. Shinalladi tuki unguiyuj, naniyujkunada alliyachiga.

Lucas 13:10

Samana p'unllabi Diosmunda yachana wasibi Jesús yachachiguga.

Lucas 14:3

Ungushkada rikusha Moisés mandashkada yachachijkunada fariseogunadash Jesusga, “Samana p'unllabiga ¿ungushkagunada alliyachinallachu gan?” nisha tapuga.

Lucas 4:16

Jesusga Pai iñashka Nazaret pueblomu riga. Samana p'unlla Diosmunda yachana wasimu rij gasha waiguga. Dios escribichishkagunada liyungu shayariga.

Lucas 4:31

Galileabi tiyaj Capernaúm pueblomu Jesús riga. Chibimi samana p'unllaga gentegunamu yachachiga.

Lucas 6:1

Samana p'unllada Jesús trigu ukuda riguga. Paibuj yachagujkunaga trigo k'atsuda pilusha makin k'akusha granuda mikugaguna.

Lucas 6:5

Jesusga kaidash niga, “Aichayuj tukushka Churiga samana p'unlladash Mandajmi gan.”

Juan 5:3

Chigunabimi tauga ungushkaguna, na rikujkuna, suchuguna, na kuyuri pudijkunama sirigaguna.

Juan 9:16

Chimunda maijin fariseogunaga, “Samana p'unllada chi k'ari na kazushtijka na Diosmunda shamunchu,” nigaguna. Kutin kaishujkunaga, “Juchayuj gashkashaga, ¿ima layadi pi na ruri pudishkagunadaga kashna ruri pudinmugari?” nigaguna. Shinami paigunapura kaida chaida ninukugaguna.