Lucas 4:18 - Diosbuj Shimi - Mushuj Testamento (Quichua Salasaca)

¹⁸ “Manduj Dios agllashkamundami Paibuj Espíritu Ñukabi gan. Parlachun kachashkami gani. Imadash na charijkunada alli shimigunada parlachun, prezu tiyajkunada kacharichichun, na rikujkunada rikujta rurachun, llakichishka kausujkunada kacharichij shina rurachun kachuga.

Lucas 4:18 Iomraidhean Croise

Mateo 11:5

Na rikujkunash rikun, suchugunash purin, lepra unguiyujkunadash alliyachishkamigun, na uyajkunash uyun, wañushkagunadash kausachishkamigun, shinaidi na charijkunamush Alli Shimida parlashkamigun.

Mateo 12:18

“Kaibimi Ñukajta ruruj, maijinda Ñuka agllashka, Ñuka k'uyushka, maijinbi Ñuka manchanaidi kushiyani. Ñukaj Espirituda Paibimi churusha, shinalladi tuki llaktagunabi tiyujkunamu Paimi kabishkada ruranada parlunga.

Mateo 12:20

P'akiriguj sukus laya p'akirichunga shinaidi wañuj nina laya wañuchunga Pai kabishka rurushkash vincichichingama gentegunadaga na sakingachu.

Mateo 4:16

tuki chi llaktabi tutabi laya kausujkuna p'unllayachijtami rikugaguna. P'unllayachij luzmi wañuna manchin tutabi laya kausujkunamu p'alanishka.”

Mateo 5:3

“Kushiyachishka ganguichi, mashnalla Diosta ministishkada yuyarijkuna; Diosbuj mandanaga kangunajmigun.

Lucas 4:17

Dios nishkada parluj Isaías escribishkadami liyachun kugaguna. Chida paskushaga kai escribishkadami japiga,

Lucas 6:20

Jesusga Paibuj yachagujkunada rikusha kashna niga, “Kai pachabi imada na charijkuna, kushilla ganguichi. Diosbuj mandanaga kangunajmi gan.

Lucas 7:22

Chimundami Jesusga, “Kanguna rikushkada, uyashkada Juanchumu parlangu richi: ñawi na rikujkunash rikujta, suchugunash purijta, aichada ismuchij unguiyujkunadash alliyachishkada, na uyajkunash uyajta, wañushkagunadash kausachishkada, na charijkunamush Alli Shimida parlashkada.

Juan 1:41

Imadash narij rurushaidimi Andikuga paibuj wauki Simonda japishaga, “Mesiastami japishkanchi,” niga. ( nishaga Cristo nishkami gan).

Juan 12:46

Ñukaga Luz gashami tuki Ñukada crijkuna ama yanamangabi sakirichun nishkamunda kai pachamu shamugani.

Juan 3:34

Dios Paibuj Espirituda yallimanaidi kushkamundaga, Dios kachashkaga Dios parlushka shimigunadami parlan.

Hechos 10:38

Nazaretmunda Jesusmu Diosbuj Espiritudash imadash ruranadash kusha Dios ch'ikanyachishkada yachunguichimi. Dios Paigun gashkamundaga allida rurusha diablo katishkagunadash alliyachisha puriga.

Hechos 26:18

ama tutabi shinalla purisha paigunaj ñawida paskuj shina p'unlla layada rikuchun Satanasbuj podermunda llujshisha Diosta katichun. Ñukada crikimi Diosga juchagunadash perdonanga. Shinami Pai linshuyachishkagunamu nishkadash japingaguna,’ niga.”

Hechos 4:26

Kai pachada jatun mandajkuna llaktagunada mandajkunash tandanukusha takungu yuyasha Mandujtash Cristodash p'iñanguna.’

Hechos 4:27

Kashna nishka shinami Kan agllusha kachashka, Kambujta ruruj na juchayuj Jesusta p'iñusha na rikunachisha ñaubamundadi Kambuj munushkan ruri pudishkanbish Kan nishkada rurangu Herodesga Poncio Pilatondij na israelgunash israelgunash kai pueblobi tandanukuga.

Colosenses 1:13

Yanamanga shinabi purichun chaririguj podermundaga Diosmi anchuchishka shinami Paibuj k'uyashka Churi mandanamu ñukuchida pushaga.

Santiago 2:5

Ñuka k'uyashka wauki panigunalla, kaida uyichi: kai pachabi imadash na charijkunadaga Diosta crishkabi charijkuna laya tukuchun, Paida k'uyujkunamu nishka Diosbuj mandanada japichunbish Diosmi agllushka.

1 Pedro 2:9

Shinash kangunagarin Dios agllashkagunapuramunda, Jatun Mandujbujta ruraj curaguna, Diosllamu ch'ikunyachishka llaktamundaguna, Diosbujlla gachun randishka pueblomi ganguichi. Yanamangamunda k'uitij luz shina kausimu llujshichisha kangunada Kayajmi Paibuj k'uitij rurashkagunada yachi chayachichun shina ruruga.