Lucas 2:21 - Diosbuj Shimi - Mushuj Testamento (Quichua Salasaca)

²¹ Pusuj p'unlla tukukimi mara Jesusta israelguna mandashkada p'aktachingu nisha circuncisión nishkada rurachigaguna. Mariamu narij iksa charij tukujllabidi ángel nishka shinaidimi Jesús shutida shutichigaguna.

Lucas 2:21 Iomraidhean Croise

Mateo 1:21

Paimi shuj churida mirunga. Chi maraga tuki juchagunamunda Paida crijkunada kishpichinashkamunda, Jesús shutida shutichingui,” niga.

Mateo 1:25

Shinash María churida mirungagama na kusandij warmindij laya puñugagunachu. Chi maradaga Joziga Jesustami shutichiga.

Mateo 3:15

Shina niki Jesusga, “Kununllaga shinash saki; Dios tuki mandushkadami p'aktachina ganchi,” niga. Chimundami nisha Juanchuga bautizaga.

Lucas 1:31

Iksa charij tukusha shuj churidami charingui. Paidaga Jesusta shutichingui.

Lucas 1:59

Pusuj p'unllayuj marada circuncisión nishkada rurachingumi rigaguna. Chi maradaga yayunbuj shuti Zacarías shutida churungu munagaguna.

Filipenses 2:8

Gente tukushaga Pailladi yanga tukuga, chakatashka wañungu gashash wañungagama kazuj tukuga.