Juan 8:14 - Diosbuj Shimi - Mushuj Testamento (Quichua Salasaca)

¹⁴ Shina niki Jesusga kashna niga: “Ñuka Ñukallamundadi parlushka gashash Ñuka parlushkaga kabishkamigun, Ñukaga maimunda shamushkadash shinaidi maimu rigushkadash yachanimi; kangunaga Ñuka maimunda shamushkadash maimu rigushkadash na yachunguichichu.

Juan 8:14 Iomraidhean Croise

Juan 10:36

¿Taita Dioslladimi Paibujlla gachun ch'ikunyachisha kai pachamu kachushkadaga, ‘Diosbuj Churimi gani,’ nishkallamundachu Ñukadaga, ‘Diosta imakish na valichin,’ ninguichiri?

Juan 13:3

Jesusga Taita tukida rurachun Paimu poderda kushkada, shinaidi Diosmunda shamushkada Diosllamundi vueltanashkadash yachushami,

Juan 14:10

¿Ñukaga Taitabi shinaidi Taitash Ñukabi gashkada nachu cringui? Kangunamu imada nishash na Ñukaj munimunda ninichu. Ashtanbish Ñukabi kausuj Taitami Paibujti ruranagunadaga rurun.

Juan 16:28

Taitajmundami kai pachamu shamugani; kutin kai pachamunda risha Taitajllamundimi riguni,” niga.

Juan 17:8

Kan parlachun nishkagunadash parluganimi. Paigunaga japishkami. Kabishkadi Kanmunda shamushkada yachi chayagagunami. Shinaidi Ñukadaga Kan kachushkadash crishkagunami.

Juan 18:37

Chimunda Pilatoga, “Shinaga ¿kanga jatun mandujchu gangui?” nisha tapuga. Shina tapuki Jesusga, “Ñuka jatun manduj gashkadaga kanlladimi nishkangui, Ñukaga kai pachamu shamusha kabishkada parlungumi wacharigani. Shinaidi mashnalla kabishkabuj gajkunaga Ñuka parlushkada uyanmi,” niga.

Juan 5:31

“Ñukallamundadi imadash yachi chayachishaga Ñuka yachi chayachishkaga imakish na valinmuchu,

Juan 8:42

Chimunda Jesusga, “Kangunaj Taita, Dios gashkakiga Ñukada k'uyanguichimumiga; Ñukaga Diosmunda shamushami kaibi gani. Ñukaj munimundaga na shamuganichu, ashtanbish Diosmi Ñukadaga kachuga.

2 Corintios 11:31

Na tukuribuj, nishka Diosga, Mandaj Jesucristoj Taitaga ñuka na llullagushkada yachanmi.

2 Corintios 12:11

Ñuka loco laya parlashaga kangunamundami shina tukushkani. Kangunami ñukadaga nina gaganguichi. Ñuka imash na gashash yachuj nishka agllushkagunamundaga imabish paigunamunda yanga gashkadaga na yuyanichu.

2 Corintios 12:19

Kanguna ñukuchidaga yuyagunguichichari, ashtangarin Criston shujlla tukusha Diosbuj ñaubukimi parlagunchi. K'uyashka wauki paniguna, tuki kaigunaga kangunaj espíritu jinchiyachunmi gan.

Apocalipsis 1:5

Shinalladi kabishkallada parluj Jesucristosh shinaidi kuchun. Paiga wañushkagunapuramunda ñaubushadi kausarijmi, kai pachabi tiyaj jatun mandujkunada Mandujmi. Paiga ñukuchida k'uyashami Paibuj yaurda jichusha juchabi watashka laya gajkunadaga kacharichiga.

Apocalipsis 3:14

“Laodiceabi gaj iglillaj angelmush kashna nisha escribi: Shina gachun Nijka, imadash kabishkallada Parluj, Taita Dioskun kai pachabi tuki imalla tiyashkada Ruruj kashnami nin.