Juan 7:12 - Diosbuj Shimi - Mushuj Testamento (Quichua Salasaca)

¹² Gentegunapurabimi Paimunda washalla pachun parlagaguna; shujkunaga, “Pai k'ariga allimigun,” nigaguna. Chaishujkunaga, “Na allichugun, gentegunada llagmushami purin,” nigagunami.

Juan 7:12 Iomraidhean Croise

Mateo 10:25

Yachagujka paibuj yachachijkun igulda yachuj gangujllami munana gan; mandushkada rurukish paibuj manduj laya. Shinaidi wasibi mandujta, ‘Yanagunada manduj Beelzebú’ nisha nikiga paibuj familiadagarin ¿nachu shinaidi ningaguna?”

Mateo 21:46

Chimundami ima layash prezungu munushash Dios nishkada parluj gashkada tukiguna crishkamunda, Jesustaga japinada manchagaguna.

Mateo 27:63

Paidaga, “Manduj, chi llulla Jesús chairijti kausagushaga, ‘Kinsa p'unlla k'ipaga kausarishami,’ nishkadami yuyariganchi.

Lucas 18:19

Jesús niga, “¿Imashadi Ñukada ningui? Pillash alliga na tiyanchu. Diosllami alliga tiyan.

Lucas 23:47

Soldadogunada mandujka tuki imalla tukushkada rikusha Diosta nisha kashna niga, “¡Paiga kabishkadimi allida ruruj gashka!”

Lucas 23:50

Shuj alli gasha imadash alli p'aktachisha kausaj Jozi shuti tiyaga. Paish israelgunada mandujkuna tandanukushkapuramundamiga.

Lucas 6:45

Shungubi ima tiyashkadami shimimundaga rimarin. Alli shunguyujka paibuj shungubi alli yuyiguna junda gashami alligunada parlan. Shinalladi na alli shunguyujka paibuj shungubi milli yuyiguna junda gashami na alligunada rimarin.”

Lucas 7:16

Tuki chida rikujkuna mancharisha, “Dios nishkada parlujmi ñukuchipurabi rikurishka. Diosmi paibujkunada ayudangaj shamushka,” nisha Diosta nigaguna.

Juan 6:14

Kashna pish na ruri pudishkada Jesús rikuchishkada genteguna rikushaga, “Dios nishkada parluj kai pachamu shamuna nishkaga Pailladimishka,” ninukugaguna.

Juan 7:32

Genteguna Jesusmunda shina washalla nigushkada fariseoguna uyusha paigunash manduj curagunash Diosbuj wasida chapujkunada Jesusta prezu japichun kachugaguna.

Juan 7:47

Chimunda fariseogunaga, “¿Kangunadashchu pandachigachari?” nigaguna.

Juan 7:52

Shina niki paigunaga, “¿Kambishchu Galileamunda ganguiri? Diosbuj Shimida alli liyusha yachungui, chibiga Galileamundaga Dios nishkada parlujka shujllash shamunashkadaga na parlanchu,” nigaguna.

Juan 9:16

Chimunda maijin fariseogunaga, “Samana p'unllada chi k'ari na kazushtijka na Diosmunda shamunchu,” nigaguna. Kutin kaishujkunaga, “Juchayuj gashkashaga, ¿ima layadi pi na ruri pudishkagunadaga kashna ruri pudinmugari?” nigaguna. Shinami paigunapura kaida chaida ninukugaguna.

Hechos 11:24

Bernabega alli k'ari Diosbuj Espíritu junda gasha tuki shungun crijmiga. Shinushami taugaguna Mandajta criga.

Romanos 5:7

Kabishkada ruruj gentej randi wañungajka shujmallachari wañush ninmu. Shina gakish allida rurujmundaga shujmallash wañungu na mancharinmushchari.

Filipenses 2:14

Kai juchayuj milli gentegunaj chaubibi pish na juchachishkaguna, linshuguna, mapash illujkuna, Diosbuj wawaguna gangu na rimasha na litunukusha tukida alli rurichi. Chi chaubibiga jawa cielobi p'alaniguj luzeroguna shina ganguichi.