Juan 5:44 - Diosbuj Shimi - Mushuj Testamento (Quichua Salasaca)

⁴⁴ Kanguna randi randi nishka gashadijka, ashtangarin shujlla Dios nichun na mashkushadijka, ¿ima layadi Ñukada cringuichiri?

Juan 5:44 Iomraidhean Croise

Mateo 23:5

Imada rurushash genteguna paigunada rikuchunllami rurunguna. Paigunaga jatun p'atuj karabi Diosbuj Shimi escribishkada frentebi rigrabish watarishka purijkunami gan; shinaidi paiguna alli gashka rikuringajlla churanadash jatun tsuntsulladadimi churarijkuna gan.

Lucas 19:17

Shina niki jatun mandujka, ‘Allida ruruj gasha, kanga allidami rurashkangui. Shina ashallanbish alli rurashkamundaga chunga pueblodami mandungui,’ niga.

Juan 12:43

Paigunaga Dios nishka gangu munashash yalliga genteguna nishka ganada munushkamundami na parlugaguna.

Juan 17:3

Kan shujlla kabishka Diosta shinaidi Kan kachushka Jesucristodash rijsishami paigunaga chi na tukurij kausidaga japinga.

Juan 3:20

Tuki na allida rurujkunaga luztaga na rikunachijkunami; chimunda paiguna ima rurashkagunash ama yacharichunmi Luzmunga na kuchuyanguna.

Juan 5:41

“Ñukaga genteguna nishkadaga na japisha ninichu.

Juan 8:43

Ñuka parlushkada ¿imashadi na intindi pudinguichi? Ñuka nish nigushkada naidi uyush nishallami shina ganguichi.

Romanos 2:10

Shinash ashtangarin allida rurujkunamunga israelgunamundij chi k'ipa na israelgunamushmi Dios nishka ganada, allibi churashka ganada shinaidi k'uilla kausidash kunga.

Romanos 2:29

Israel ganagarin kikinbuj uku shungumundami gana gan, aicha karada p'itichishkash shungumundami gana gan; na mandusha escribishkallamundachu, chidaga Diosbuj Espiritumi shina rurun. Maijin shina gajka, na genteguna nishka ganchu, ashtan Diosmi nishka gan.

Romanos 2:7

Dios nishka gangu, allibi churashka gangu shinaidi naidi wañunada mashkusha allida ruragujllagunamunga na tukurij kausidami kunga.

1 Corintios 4:5

Chimunda imadash juchachina p'unlla narij chayujllabidijka ama imadash nichichu, ashtangarin Manduj Jesús shamungagama shuyichi. Pai shamusha yanamangabi pakushka tiyajta p'unllabi rikuchishaga kangunaj shungu ukubi ima yuyigunada charishkadash rikuchinga. Chi k'ipami kanguna ima laya rurushkagunada rikusha Diosga imaidash alligunada ninga.

2 Corintios 10:18

Kikinlladi nijka na valichishka tukun, ashtangarin Manduj Dios nikimi valichishka tukun.

Filipenses 2:3

Imada rurashash ama kikinbuj mununa yuyillan, alli rikurina yuyillan rurichichu, ashtangarin imadash na yachuj shinalla, shujkuna kikindash yalli yachujkuna gashkada yuyarichi.

1 Tesalonicenses 2:6

Shuj kutinllash pillash – kangunash shujkunash – ñukuchida nichunga na mashkashkanchichu.

1 Timoteo 1:17

Shinushaga jatun na tukuribuj Mandaj, na wañuj, na rikibuj, shujlla Diosta nishkaga na tukuribuj chashna gachun.

Hebreos 3:12

Yuyin gaichi, k'uyashka wauki paniguna. P'akta kangunapuramunda shungubi millida rurush nishalla, na crij tukusha, kausuj Diosmunda karuyanguichimu.

Santiago 2:1

Ñukaj wauki paniguna, ñukuchij k'uilla Manduj Jesucristoda crishkamundaga shujkunadaga nishaga na ch'ikunyachinachunguichi.

1 Pedro 1:7

Shinami kurida ninan yakuyachishkama laya, kanguna crishkadaga kabishkadichu gashkada rikuchishka ganga; shina crishkaga chingarijlla kuridash yalli ashtandi valijmi gan, shinusha chi crijka Jesucristo rikurina p'unllabiga jatunyachishka, allibi churashka, Dios nishkami ganga.

Judas 1:25

ñukuchida Kishpichij shujlla Diosga ñukuchida Mandaj Jesucristomundami ñaubagunamunda pachash kununbish ima urash na tukuringama, “K'uilladi, manchanaidi jatun, tukida ruri pudij, tukida mandujmi gangui,” nishka gachun. Shina gachun.