41 “Ñukaga genteguna nishkadaga na japisha ninichu.
Paigunaga Dios nishka gangu munashash yalliga genteguna nishka ganada munushkamundami na parlugaguna.
Ashtanbish Ñukaga Ñukamunda maijin k'arish yachi chayachichunga na ministinichu. Kanguna kishpichishka gachun nishallami Juanchumunda parlani.
kangunaga chi na tukurij kausida charingujka na Ñukajmu shamush ninguichichu.
Ashtanbish Ñukaga kanguna Diosta na k'uyushkadaga yachanimi.
Kanguna randi randi nishka gashadijka, ashtangarin shujlla Dios nichun na mashkushadijka, ¿ima layadi Ñukada cringuichiri?
Genteguna uyi na uyi jatun manduj tukuchun pushusha ringu munushkada Jesús yachushaga kutinmi ch'ikunyasha Pailla gangaj urkumu riga.
Maijin kikinbuj yuyillamunda parlujka kikin nishka gangujllami mashkun; ashtanbish maijin paida kachujta nishka gachun mashkujka paimi kabishkada parluj imamundash na juchachibuj gan.
Shinash Ñukaga Ñukada jatunyachichunga na mashkanichu. Shujmi jatunyachichun mashkujka tiyan, Paimi kabishkadi juchachij gan.
Chimunda Jesusga kashna niga: “Ñukada Ñukaidi jatunyachishaga Ñuka jatunyashkash imakish na valinchu. Ñukada jatunyachijka Ñukaj Taitalladimigun; Pailladadimi kangunaga <Ñukuchij Diosmi> ninguichi.
Shuj kutinllash pillash – kangunash shujkunash – ñukuchida nichunga na mashkashkanchichu.
Shina rurachunmi Diosga kangunadaga kayuga; Cristoshmi ñukuchimunda llakida apashaga ñukuchikish Pai layaidi rurasha Pai sarushkallati katichunmi shina ruraga.
Ima urami Paida allibi churasha Taita Dios jatunyachisha, “Kaimigun Ñuka k'uyashka Churi. Paibimi manchanaidi kushiyani,” nisha yallimanaidi k'uilla Gajka chi shimidami uyachiga.
