Juan 21:16 - Diosbuj Shimi - Mushuj Testamento (Quichua Salasaca)

¹⁶ Kutinlladi Jesusga, “Juanchuj churi Simón, ¿Ñukada k'uyanguichu?” nisha tapuga. Chimunda Pedroga, “Ari, Mandujlla; ñuka Kanda k'uyashkada Kanlladi yachunguimi,” niga. Shina niki Jesusga, “Ñukaj ovejagunada michingui,” niga.

Juan 21:16 Iomraidhean Croise

Mateo 2:6

‘Kan Belén pueblo Judaj achpamunda Judaj achpabi tiyuj mandujkunamunda na uchillachu gangui. Ashtangarin kanmundami shuj jatun manduj llujshinga. Paimi ñukaj agllashka israelgunadaga michij shina pushunga.’ ”

Mateo 25:32

Shinami tuki llaktagunamundaguna Paibuj ñaubuki tandanukungaguna; chimundaga ima layami shuj michij ovejagunada chivogunamunda ch'ikunyachin shinami paigunapuramunda ch'ikunyachinga.

Mateo 26:72

Kutinmi Pedroga, “¡Na shinachugun! ¡Chi k'aridaga nalladi rijsinichu!” nisha juraga.

Lucas 19:10

Aichayuj tukushka Churiga chingarishkagunada mashkusha kishpichingumi shamuga.”

Juan 18:17

Pedro waiguki punguda chapuj warmiga, “¿Nachu kambish chi k'arij yachaguj gangui?” nisha tapuga. Shina niki Pedroga, “Na, na ñukachuni,” niga.

Juan 18:25

Pedroga ninabi kunusha katigallami. Chimunda shujkunaga, “¿Nachu kambish chi k'arij yachagujkunapuramunda gangui?” nisha tapuki, Pedroga, “Na ñukachuni,” niga.

Juan 21:17

Kaigunga kinsa kutin Jesusga, “Juanchuj churi Simón, ¿Ñukada k'uyanguichu?” nisha tapuga. “¿Ñukada k'uyanguichu?” nisha kinsa kutin tapushkamunda Pedroga llakilladi, “Mandajlla, Kanga tukidami yachuj gangui. Shinusha ñuka Kanda k'uyashkadash yachunguimi,” niga. Chimunda Jesusga, “Ñukaj ovejagunada michingui.

Hechos 20:28

Diosbuj Espiritumi michijkuna laya rikuchun churushka. Kangunaga tuki crijkunadash kangunadash alli rikusha yuyin chapanguichi. Mandujbuj yaurgun randishka Diosbuj iglillada michinguichi.

Hebreos 13:20

Ovejagunada jatun Michij, Paibuj yaurgun na tukurij ari ninukida P'aktachij, ñukuchibuj Manduj Jesusta wañimunda Kausachij, alli k'uilla kausida kuj Dios,

1 Pedro 2:25

Kangunaga ñaubaga maidash gachun rijlla ovejaguna shinami gaganguichi, shinash kununga kangunaj kausida Chapaguj shinaidi Michijmumi vueltushkanguichi.

1 Pedro 5:2

Dios kangunamu mingushka ovejagunada alli michichi; muni na muniidimaga ama rurichichu, kuchkida japina yuyillamamundash ama rurichichu; ashtangarin Dios munushka shina tuki munashkan paigunada chapanguichi.

Apocalipsis 7:17

Ashtanbish mandusha tiyarina kuchubi tiyaj Malta Ovejami paigunadaga michij shina chapanga, Paimi kausida kuj yaku p'ugyugunamu pushanga, shinaidi Diosmi paigunaj ñawigunamunda iki llujshishkadash chakichinga.”