Juan 17:15 - Diosbuj Shimi - Mushuj Testamento (Quichua Salasaca)

¹⁵ Ñukajkunada kai pachamunda anchuchichunga Kanda na mañanichu, ashtangarin paigunada na allimunda wakichichunmi mañani.

Juan 17:15 Iomraidhean Croise

Mateo 5:37

Kanguna nishkaga shina gachun. Kanguna nishkash shina gachun. Kaimunda ashtan shuj shimigunada nishkaga diablomundami shamun.”

Mateo 6:13

Jucha ruranagunabi urmachunga amalladi sakibaichu, ashtangarin na alligunamunda wakichibai.’ ”

Lucas 11:4

Ñukuchida na allida tuki rurujkunada perdonanchimi, shinaidi ñukuchij juchagunada perdonabai. Ima na alli ruranabi ama sakibaichu, ashtangarin chimunda anchuchibai.”

Lucas 22:32

Kan crishkada amalladi kungarichun nisha Ñukaga Diosta mañushkanimi. Kan Ñukamu kutin shamushaga kaishuj crijkuna alli katichun ayudangui.”

Gálatas 1:4

Jesucristoga ñukuchida kai milli pachamunda kacharichingajmi juchamunda Paibuj kausidadi kurisha, ñukuchij Taita Dios munushkada p'aktachiga.

2 Tesalonicenses 3:3

Mandajka Pai imada rurasha nishkada P'aktachijllami gan. Pailladimi kangunadaga ashtan jinchi crijkunada rurasha millimundash wakichinga.

2 Timoteo 4:8

Kununga, kabishkada rurushkamunda japina coronaga wakichishkami gan. Chidaga, kabishkada kauzachij Manduj Pai shami p'unllabiga ñukamu kunga. Na ñukallamu ashtangarin mashnalla Pai shamunada yuyillan chapajkunamushmi kunga.

1 Juan 5:18

Yachushka shina tuki mashnalla Diosbi wacharishkagunaga juchadaga na ruragunllachu. Ashtanbish Diosbuj Churiga paida tukimunda wakichinmi, millida rurachijka tupiidash na tupunchu.

1 Juan 5:19

Kaidash yachanchimi: ñukuchiga Diosbujmi ganchi; kai pachadash millida rurachijka sarusha chariguj layami illujta charigun.