Juan 17:14 - Diosbuj Shimi - Mushuj Testamento (Quichua Salasaca)

¹⁴ Ñukaga Kan parlachun nishkadami paigunamu parlugani. Ñuka na kai pachamundachu gani, paigunash na kai pachaj ganchu. Chimundami paigunadaga kai pachamundaguna p'iñunguna.

Juan 17:14 Iomraidhean Croise

Marcos 10:39

Shina nikimi paigunaga, “Ari, pudinchimi,” nigaguna. Chimundami Jesusga, “Kangunaga kai jayuj ubianada ubiuj shina, bautizarij shina Ñuka laya japinguichimi.

Juan 17:16

Ima layami Ñukash na kai pachabuj gani, shinaidi paigunash na kai pachabujchu gan.

Juan 17:8

Kan parlachun nishkagunadash parluganimi. Paigunaga japishkami. Kabishkadi Kanmunda shamushkada yachi chayagagunami. Shinaidi Ñukadaga Kan kachushkadash crishkagunami.

Juan 7:7

Kai pachamundagunaga kangunadaga na p'iñi pudinchu; ashtanbish paiguna rurushkaguna na alli gashkada yachi chayachishkamundami Ñukadaga p'iñunguna.

Juan 8:23

Chimunda Jesusga, “Kangunaga uramundami ganguichi, Ñukaga jawamundami gani. Kangunaga kai pachamundami ganguichi, Ñukaga na kai pachamundachu gani.

1 Juan 3:12

Caín laya ama gashunchi; paiga millida rurachijbuj gashami paibuj waukida wañuchiga. ¿Imamundadi wañuchishkanga? Paibuj rurashkaguna milli gaki ashtanbish waukijka kabishka gakimi wañuchiga.

1 Juan 3:13

Wauki paniguna, kai pachaj gajkuna kangunada na rikunachiki ama mancharinguichichu.