Juan 17:12 - Diosbuj Shimi - Mushuj Testamento (Quichua Salasaca)

¹² Ñuka kai pachabi paigunan gashaga Ñukamu kushka Kambuj shutibi ama imash tukuchun wakichigugani. Paigunamunda maijinsh na chingarigachu, ashtanbish Diosbuj Shimi nishka p'aktachunga chingarinaj k'arillami chingariga.

Juan 17:12 Iomraidhean Croise

Juan 13:18

“Kangunapuramunda tukigunadaga na ninichu; maijingunada Ñuka agllushkadash rijsinimi. Shina gakish Diosbuj Shimibi kashna nishkaga p'aktanaidimi gan, ‘Ñukan igulda mikujlladimi Ñukada jaituj laya ruruga.’

Juan 17:6

“Kai pachabi gajkunamunda Kan agllusha kushkagunamunga Kan pi gashkada rijsichishkanimi. Kambujkunamiga. Shinash Ñukamumi kugangui. Shinaidi Kan parlushkadash kazushkagunami.

Juan 18:9

“Ñukamu kushkagunamundaga shujlladash na chingachiganichu,” nisha ña parlashka p'aktachunmi Jesusga shina niga.

Juan 6:37

Taita Ñukamu kushkagunami tuki Ñukajmu shamungaguna; shina Ñukajmu shamujkunadaga nalladi washamu vueltachish kachashachu.

Filipenses 2:9

Chimundami Diosga Paidaga tukibi yalli jatun valijta ruraga, shinalladi tuki jawa pachabi, kai pachabi, achpa ukubi gajkunash Manduj Jesús shutibi kungurichun, shinaidi Taita Dios nishka gachunga tuki laya shimin nisha parlachunmi, tuki shutida yalli k'uilla shutida kuga.

2 Tesalonicenses 2:3

Ima layash amalladi pandachishka tukunguichichu. Chi p'unlla narij chayamujllabidimi Diosta p'iñusha crishkada sakijkunadimi shamunga. Shinaidi chi millisapa k'ariga, jatun llakibi chingarinaj churiga rikurinalladimi gan.

Hebreos 2:13

Kutinlladimi kai nishkash tiyan, “Ñukaga Paibi tuki yuyidami churasha,” shinalladi, “Dios kushka wawagunan kaibimi gani.”

1 Juan 2:19

Paigunaga ñukuchipuramundami llujshigaguna. Shinash ñukuchipurallamundadijka na gagagunachu, ñukuchipuramunda gashkashaga ñukuchin sakiringunamumiga. Chi tukiguna na ñukuchipuramunda gashka laru rikurichunmi shina tukuga.

Apocalipsis 19:12

Paibuj ñawigunash nina pulun mandaj layami gaga. Paibuj umabish tauga coronagunada churashkami gashkaga, shinaidi pi mana yachushka pailla yachushka shutidami escribishkada chariga.