Juan 15:22 - Diosbuj Shimi - Mushuj Testamento (Quichua Salasaca)

²² “Ñuka parlungu na shamushkakiga jucha illujkunami ganmuga. Ashtanbish kununga ningujka na pudingagunachu.

Juan 15:22 Iomraidhean Croise

Lucas 12:46

Paibuj amo ima p'unlla ima uras shamunadash na yachusha shina puriguki amo shamushaga mandushkada na kazushkamundaga jinchida takasha na crijkunapura llakichishka gachun llujshichishami kachunga.

Juan 12:48

Maijin Ñukada na rikunachisha Ñukaj shimigunada na kazujka llakimu kachujtaga ñami charin. Ñuka parlushka shimigunaidimi tukurij p'unllabiga juchachinga.

Juan 15:23

Maijin Ñukada p'iñujka Ñukaj Taitadash p'iñunmi.

Juan 15:24

Pish narij rurushkagunada paigunaj ñaubuki Ñuka na rurushkakiga, jucha illujkunami ganmuga; ashtanbish ña kaigunada rikushkagunami; shina rikushash Ñukada Ñukaj Taitadash p'iñungunami.

Juan 16:9

Juchamunda parlashaga Ñukada na crishkamunda juchayuj gashkadami rikuchinga.

Juan 19:11

Shina niki Jesusga, “Dios kanmu na kushkakiga Ñukada ima rurachun mandanada na charinguimuchuga. Shinushaga Ñukada maijin kanmu chayachijmi kandash yalli juchayuj gan,” niga.

Juan 9:41

Shina niki Jesusga, “Kanguna na rikujkuna gashkashaga juchamunda na kauzayuj ganguichimuchuga; ashtangarin nishkamundaga juchaguna kangunaj jawabi gagungallami,” niga.

Hechos 17:30

Ñauba kausujkuna Diosta na rijsisha paigunaj munida rurusha kausukish Diosga imadash na nigachu. Kununga tuki maibi kausujkuna juchagunada sakisha Diosmu vueltarichunmi mandun.

Romanos 1:20

Diosmunda imalla na rikibujkunadash Pai rurashkada rikushaga yachi chayi pudinmi; kai pachada rurushkamunda pacha Paiga ima uragamash Dios gashkadash tukida ruri pudishkadash larulladimi rikunchi. Shinusha paigunaga ningumallash na pudinchu.

Romanos 2:1

Shinusha, kan pi gashash shujkunada juchachigushtijka ningujka naidij pudinguichu. Ima layami chaishujkuna ruran shinaidimi kambish rurangui. Chimundami shujkunada juchachishaga kanlladi juchachishka gangujmi shinaga rurangui.

Santiago 4:17

Shinushaga maijinbish allida ruranada yachushash na rurushaga juchadami ruran.

1 Pedro 2:16

Watashkamunda kacharichishka shina gaichi, shina kausashash <Ña kacharishkami ganchi> nij tukusha p'akta na allida ruranguichimu, ashtangarin Diosbujta rurungu watushkaguna shina gaichi.