Gálatas 2:1 - Diosbuj Shimi - Mushuj Testamento (Quichua Salasaca)

¹ Chunga chusku wata k'ipami kutin Jerusalenmu Bernabendi rigani. Titodashmi ñukan pushush rigani.

Gálatas 2:1 Iomraidhean Croise

Hechos 11:25

Chi k'ipami Bernabega Tarso pueblomu Sauloda mashkungu riga.

Hechos 11:30

Shinada rurusha Bernaben Saulon yuyijkunamu kuchun kachuga.

Hechos 12:25

Bernabega Saulondij paiguna ruranada tukuchishami Marcos nishka Juanchuda Jerusalén pueblomunda pushusha Antioquía pueblomu kutin rigaguna.

Hechos 13:2

Shuj p'unlla paiguna na mikusha Mandajta nigukimi Diosbuj Espirituga, “Ñuka agllusha kayashkada rurachunmi Bernabedash, Saulodash anchuchibaichi,” niga.

Hechos 13:50

Kashna nigukish israelgunaga paigunaj Diosta yuyarij nishka charij warmigunan shinaidi chi puebloda pushuj k'arigunamushmi na alli yuyigunada kugaguna. Pabloda Bernabedash katik'ichushka gachun jatarichisha kai llaktamunda llujshichiga.

Hechos 14:12

Bernabedaga shinaidi Pablodash parluj gashkamunda nigaguna.

Hechos 15:25

Chimundami tuki tandanukusha ñukuchipuramunda kai waukigunada ñukuchij k'uyushkaguna Bernaben Pablondij kangunada rikungu richun aglluganchi.

1 Corintios 9:6

Na gashaga ¿ñukan Bernabenllachu kanguna ñukuchimu imalladash ayudachunga na mañana ganchi?

2 Corintios 2:13

Shinash wauki Titon na tupanukushkamunda ñukaj yuyiga na samagachu. Chimunda chi crijkunada nisha Macedonia llaktamu rigani.

2 Corintios 8:16

Kangunada ñuka llakishka layaidi Titosh llakishkamunda Diosta ninimi.

2 Corintios 8:23

Titoga ñukan apanukujmi shinaidi kangunaj allibuj ñukan rurusha purijmi. Kutin chaishuj waukigunaga crijkunaj tandanukigunamunda kachushkaguna, shinaidi Cristoda jatunyachijkunami.

Gálatas 1:18

Kinsa wata k'ipami Pedroda rijsingu Jerusalenmu sikugani. Paigunga chunga pichka p'unlladami sakirigani.

Gálatas 2:13

Shinalladi Pedroga paigunan na mikujma laya tukuki chaishuj crij israelgunash igul-lladati rurugaguna, shinami Bernabelladikish paigunan apashka gasha na mikujma laya ruruga.

Gálatas 2:3

Shinash ñukan pariju shamuj Tito na Israelmunda gakish aicha karada p'itishka gachundijka na mandagagunachu.

Gálatas 2:9

Shinusha Jacobosh, Pedrobish, Juanchush, wasida charirij pilarmada laya rijsishkaguna gasha, na kabikish Dios k'uyasha ñukamush mingushkada yachi chayushami chilladi rurujkuna gashkada rikuchingu ñukamush Bernabemush alli makida japirigaguna. Ñukuchiga na israelgunamu, ashtanbish paigunaga israelgunamu yachachingu ringau shina ruragaguna.

Colosenses 4:10

Ñukan igulda carcelbi tiyaj Aristarcosh shinaidi Bernabej primo Marcosbish saludanmi. Marcoskun ima laya gachun yachachishkagunada japishkagunami ganguichi; pai kangunada rikungu chayakiga alli japinguichi.

Tito 1:4

Ñuka laya crisha katigushkamunda ñukajti churi shina Tito: Taita Diosbish ñukuchij Kishpichij Jesucristosh Paibuj kushka alligunada, chulunlla kausidash kuchun.