Filemón 1:14 - Diosbuj Shimi - Mushuj Testamento (Quichua Salasaca)

¹⁴ Shinash ñuka rugushka, ama mandushkallamunda ashtangarin kan kikin munin rurashka gachunmi, narij kan nijllabidijka imadash na rurush niganichu.

Filemón 1:14 Iomraidhean Croise

1 Corintios 9:17

Ñukaj munillamunda parlashkashaga japinadami chapagunimuga, ashtanbish Dios parlachun mingushkada p'aktachingajlla kaida ruraguni.

1 Corintios 9:7

¿Maijin soldadodi kikinbuj kuchkida pagusha trabajanri? ¿Maijindi uvada lantusha ña p'ukukiga na mikunga? ¿Maijin michijti lecheda kapisha na ubiunga?

2 Corintios 1:24

Crishkamunda kanguna jinchi shayarijkuna gashkamundaga nisha mandungujka na ganchichu, ashtangarin kushillaguna gachunmi ayudangu munanchi.

2 Corintios 8:12

Maijinbish alli munin kungu munakiga Diosga imada na charishkamunda kuchun na mañan, ashtanbish ima charishkamunda kukiga alli japishkami ganga.

2 Corintios 9:5

Chimundami kai waukiguna ñaubusha kangunajmu richun ruganaidi tukugani, kanguna sarun nishka kuchkida tandachichisha kachanalla gachun. Shinami kangunaj tandachishkaga na mandushkamunda gangachu, ashtangarin kungujti munusha na mitsashalla kushkami ganga.

2 Corintios 9:7

Kushilla kujtaga Dios k'uyujmi. Shinushkamunda maijinsh kushaga na llakirishalla, na mandujllabi, ashtangarin kikinbuj shungun ña kungu yuyashkadami kuchun.