Efesios 4:10 - Diosbuj Shimi - Mushuj Testamento (Quichua Salasaca)

¹⁰ Chi uriyajlladimi tukibi junda gangabujka tuki jawa pachagunadash ashtandi jawamu ichiyaga.

Efesios 4:10 Iomraidhean Croise

Mateo 24:34

Kabishkadadimi nini, kausajkuna narij wañujllabidimi kai tukigunaga shina tukunga.

Lucas 24:44

Chi k'ipa Jesusga, “Kangunan purishaidi kangunamu, tuki Ñukamunda Moisés mandushkabish ñauba parlujkuna parlushkabish Salmosbish escribishkaga p'aktanami ganga, nisha nishkagunada Ñuka ima tukushkaga ña p'aktachishkami,” niga.

Juan 1:16

Pai pachundi k'uyi junda gashkamunda, tuki ñukuchikish chi jawa chi jawa Dios kushka alligunada japishkanchi.

Juan 19:24

Chimundami soldadogunaga, “Ashtan na llikishalla maijinmumi urmushkada rikungu sorteoda rurashunchi,” nisha parlanukugaguna. Shina rurukimi, “Ñuka churanada partinukugaguna, shinaidi ukumu churanadash surtiyashami japigaguna,” nisha Dios escribichishkaga p'aktuga. Shinaidimi soldadogunaga ruruga.

Juan 19:28

Chi k'ipa Jesusga ña tuki p'aktushkada yachushami Dios escribichishka p'aktachunga, “Yakunayunmi,” niga.

Juan 19:36

Dios escribichishkabiga, “Shuj tullulladash na p'akishkachu ganga,” nishka p'aktachunmi kaigunaga shina tukuga.

Hechos 1:11

“Galilea llaktamundaguna ¿ima nishadi ichimu rikurianguichi? Kangunaj kuchumunda jawa pachamu pushushka Jesuslladi ichiyaj layaidi kutin shamungami,” nigaguna.

Hechos 1:9

Shina nishka k'ipa paiguna rikuki Jesusga jawamu pushushka gasha p'uyubi chinguga. Chimunda kutinga Paida na rikugagunachu.

Hechos 2:33

Diosga Paibuj alli ladubi tiyarichunmi Jesusta kausachiga. Taita Dios nishka Paibuj Espirituda japishami Jesusga ñukuchimu tallij shina kushka. Chiga kanguna rikugushka uyugushkami gan.

Hechos 3:18

Shinakish Diosga kai laya Paibuj nishkada tuki parlujkunabuj nishkabi Cristoda llakichinada parlashkadaga p'aktachishka.

2 Corintios 12:2

Cristoda katij shuj k'aridaga rijsinimi. Paiga kinsa jawa pachagama apushka gaga. Chiga ñami chunga chusku (14) wata tukun. (Paida cuerpondijchu, cuerpo illujtachu apashkada na yachanichu, Diosllami yachan.)

Efesios 3:19

shinaidi chi k'uyidaga tuki yachigunadash ashtandi yalli gajta rijsi chayasha Dios ima laya gashkan illujta jundachishka gachunmi mañani.

Colosenses 1:19

Diosga Pailladi ima shina gashka illujta k'uidij Cristobi gangumi munaga.

Colosenses 2:9

Dios ima shina gashkaga tukimi Cristoj cuerpobi rikurigun.

1 Timoteo 3:16

Pish na intindibuj ñukuchi crishkaga yalli jatunmi. Chidaga ningujka pish na ni pudinchu: Paiga aichayuj tukusha rikurigami. Pai kabishka gashkada Diosbuj Espíritu rikuchiga. Angelgunash Paidaga rikugagunami. Llaktagunabi Paimundaga parlugagunami. Kai pachabi Paidaga crigagunami. Jawa pachamu Diosbuj k'uillabi gachun pushashkamiga.

Hebreos 4:14

Diosbuj Churi Jesusga Jatun Mandaj Curami jawa pachamu chayuga. Shinusha ñukuchi crisha parlushkabi jinchi jinchi charirij shina gashunchi.

Hebreos 7:26

Pai shina Jatun Manduj Curada charinaga kabigaidimi. Paiga ima juchash illuj, pish na juchachibuj, ima mapash illuj, juchayujkunamundash laduyachishka, jawa pachadash yalli jawabi churashka gan.

Hebreos 8:1

Shinakiga kununga kashna nigushkamundaga tukimunda yalliga kaimigun: Ña parlamushka shina jawa pachabi Diosbuj mandana alli ladubi tiyashka Jatun Manduj Curadaga charinchimi.