Efesios 2:1 - Diosbuj Shimi - Mushuj Testamento (Quichua Salasaca)

¹ Ñaubamu kangunaga milligunadash juchagunadash rurushkamundaga wañushka shinami gaganguichi.

Efesios 2:1 Iomraidhean Croise

Mateo 8:22

Shina niki Jesusga, “Ñukada katimi. Wañushkagunaidi paigunaj wañushkagunada pambachun saki,” niga.

Lucas 15:24

Kai ñuka churiga wañushka laya gashash kausarij layami vueltamushka. Chingarishka laya gashash kutin shamushkami,’ nisha pishtada rurungu kallariga.

Lucas 15:32

Kambuj waukiga kaimunda rishaga wañushka laya gashash kununga kutin shamushaga kausarishka layami gan. Chingashka laya gakish ña japishkanchimi. Shinushkamundaga alli pishtada rurusha kushillami gananchi,’ niga.”

Juan 10:10

Maijin shuwa shamushaga wañuchingu, shuwangu, tukuchishtangajllami shamun; ashtanbish Ñukaga kanguna na tukurij kausida charichun shinaidi chi kausida charishash yallimanaidi charichunmi shamugani.

Juan 14:6

Chimunda Jesusga, “Ñukami ñanbish, kabishkash, kausish gani. Maijinbish Ñukallamundami Taitajmunga chayi pudin.

Juan 5:21

Ima layami wañushkagunada jatarichisha Taita kausida kun, shinaidimi Churish Pai kusha nishkagunamu kausida kun.

Juan 5:25

Kabishkadadimi nini, wañushka layaguna Diosbuj Churi parlushkada uyana uras chayamunmi, kununlladimi gan; maijin uyujkunaga kausungagunami.

Romanos 8:2

Jesucristobi kausida kuj Espíritu mandashkami ñukadaga juchada rurachij shinaidi wañimu apaj mandashkamunda kacharichiga.

1 Corintios 15:45

Dios escribichishkabiga, “Kallari Adanga kausuj almayujmiga,” ninmi. Shinash k'ipa Adanga kausida kuj Espiritumi gan.

2 Corintios 5:14

Tukigunamunda Cristo wañuga, chibimi tukiguna wañuga. Kaidaga alli yachashkamunda Paibuj k'uyiga ñukuchida mandagunllami.

Efesios 4:18

Paigunaj yuyigunash yanamangabi gasha na yachajkuna gashkamundash jinchi shunguguna gashkamundash Diosmunda shamuj kausimundaga karubimi sakiringuna.

Efesios 5:14

Shinushami kashna nishka tiyan: “Kan puñugujlla rijchari, wañushkagunaj chaubimundash jatari. Chibimi Cristoga kanda p'unllayachinga.”

Colosenses 2:13

Narij chi circuncisionda japishaga kangunaj juchabi wañushkagunami gaganguichi. Shinash Diosga ñukuchij tuki juchagunada perdonasha Criston igulda kausida kuga.

1 Timoteo 5:6

Ashtangarin maijin viuda paibuj aicha munushkada rurushaga kausashash wañushka layamigun.

1 Juan 3:14

Crij wauki panigunada k'uyashami ñukuchiga wañimunda kausimu pasushkada yachanchi. Maijinsh na k'uyajka chairijti wañushkaidimi gan.

Apocalipsis 3:1

“Sardis pueblobi gaj iglillaj angelmu kashna nisha escribi: Diosbuj kanchis espiritugunada shinaidi kanchis luzerogunada Charijka kaidami nin: Tuki kan rurushkagunada Ñukaga yachanimi, nishka gashash wañushkami gangui.