Efesios 1:9 - Diosbuj Shimi - Mushuj Testamento (Quichua Salasaca)

⁹ pish na yachushka Pai rurush nigushkadaga ñukuchimumi yachi chayachiga. Chidaga Dios munashka shina ñaubarijtimi Cristomunda allida rurungu yuyashkaga.

Efesios 1:9 Iomraidhean Croise

Mateo 13:11

Shina tapuki Jesús niga, “Diosmi Paibuj mandanamunda pakalla tiyashkagunada kangunamunga yachachun kushka. Ashtanbish paigunamunga na shina yachachun kushkachu.

Lucas 12:32

“Ñuka agllashkagunalla, ashalla gashash ama mancharichichu. Taitaga kangunamu kungu munashkamundami Pai mandanada kusha nin.

Lucas 2:14

“Jawa pachabi gaj Diostaga nichun. Kai pachabi kausajkunash Dios k'uyashkaguna gashkamunda k'uilla kausida charichun.”

Hechos 13:48

Kishna nijta uyushami na israelgunaga kushiyasha nigaguna. Mashnalla Dios na tukurij kausida japichun agllashkagunaga criga.

Hechos 2:23

Chidaga Diosga shina tukuchun munusha ñaubamundimi ima shina ganadaga allimi yachaga; chimundami kangunaga millida rurujkunamu japisha kusha chakatasha wañuchiganguichi.

Romanos 11:25

Wauki paniguna, kanguna yachuj tukushkaidi ama gachunmi kai pakalla tiyashkada yachachun munani: crij tukuna gaj na israelguna tukiguna crij tukungamallami maijin israelgunaga llumiyashka shungu tukushkagunaga.

Romanos 8:28

Diosta k'uyajkunabujka imallagunash pasushaga paigunaj allibuj gashkadami yachanchi; kaiga Pai munushkada p'aktachichun kayushkagunamumi gan.

1 Corintios 1:21

Shinusha Diosga, yachuj gashkamundaga kai pachabi kausujkuna kikin yachushkan Paida rijsichunga na sakigachu. Chimundami shujkunamu kai parlushka imakish na sirvij yanga laya gakish ashtan chiyunmi Diosga Paida crijkunada kishpichingu munuga.

Gálatas 1:12

Maijin k'arijtaga na japiganichu, yachimaidash na yachuganichu. Ashtangarin Jesucristolladimi ñukamu rikuchiga.

Gálatas 1:15

Shinash Diosga ñukadaga mamaj iksabi gagujllabidi ch'ikunyachishami, na kabikish k'uyushkallamunda kayushaga, ima urami Paibujllada rurusha,

Gálatas 1:16

Paimunda Alli Shimida na israelgunamu parlachun Paibuj Churi ima shina gashkada ñukamu rikuchiga. Shina rurukish chi ratuga pigunbish na parlanukuganichu.

Efesios 1:11

Shina layaidi Paiyundi tandanukushkamunda ñukuchikish Diosmunda japinashkada charichunmi, Diosga ñaubamundadi Pai rurungu yuyushka shina ñukuchida ch'ikunyachiga; imallada rurasha Pai munashkada shinaidi Paimu alli rikurishkadami ruran.

Efesios 1:8

Pai tukida yachuj yuyisapaidi gasha chi kushka alligunada yallimanaidi kushami,

Efesios 3:11

Shinami Diosga ñaubamunda pacha Pai imada rurusha nigushkadaga ñukuchida Manduj Jesucriston p'aktachiga.

1 Timoteo 3:16

Pish na intindibuj ñukuchi crishkaga yalli jatunmi. Chidaga ningujka pish na ni pudinchu: Paiga aichayuj tukusha rikurigami. Pai kabishka gashkada Diosbuj Espíritu rikuchiga. Angelgunash Paidaga rikugagunami. Llaktagunabi Paimundaga parlugagunami. Kai pachabi Paidaga crigagunami. Jawa pachamu Diosbuj k'uillabi gachun pushashkamiga.

2 Timoteo 1:9

Dios ñukuchida kishpichishaga linshu kausida charichunmi kayuga. Na ñukuchi imada alli rurushkamundachu, ashtangarin Paibuj munushkan, kushka alligunan kayuga. Narij kai pachash tiyajllabidimi Cristo Jesusmunda ñukuchida k'uyasha alligunada kuga.