Efesios 1:6 - Diosbuj Shimi - Mushuj Testamento (Quichua Salasaca)

⁶ Shinushami Pai k'uyashka Churimunda ñukuchimu na kabikish kushka alliguna k'uitij gashkada ningu pudijllagunada ruraga.

Efesios 1:6 Iomraidhean Croise

Mateo 17:5

Pedro shina nigujllabidi paigunaj muyundiki p'alaniguj p'uyu tiyariki ñash p'uyumunda, “Kaimigun Ñuka k'uyashka Churi. Paibimi manchanaidi kushiyani. Paida uyunguichi,” nisha shuj parlarishka uyariga.

Mateo 20:9

“Indi waigush niguki trabajangu waigujkuna kuchuyashaga tukigunami denario kuchkida japigaguna.

Mateo 3:17

Chi k'ipa jawa pachamunda, “Kaimigun Ñuka k'uyashka Churi; Paibimi manchanaidi kushiyani,” nisha shuj parlarishka uyariga.

Lucas 2:14

“Jawa pachabi gaj Diostaga nichun. Kai pachabi kausajkunash Dios k'uyashkaguna gashkamunda k'uilla kausida charichun.”

Juan 10:17

“Ñukaj kausida kutin japingumi kuni. Chimundami Taitaga Ñukada k'uyun.

Juan 3:35

Taita Diosga Churida k'uyushami tukida rurachun Paibuj makibi churashka.

Romanos 8:1

Kununga shinakiga, Jesucriston tandanukushka gajkunamunga ima juchachinash ña na tiyanchu.

2 Corintios 4:15

Tuki kaigunaga kangunaj allibujmi shina tukun. Shinusha Dios nishka gachunmi Paibuj kushka alliguna taugagunamu chayushkamunda Paida nijkunash ashtan miraringa.

2 Corintios 5:21

Cristoga ima juchadash na rurajchuga. Shinash ñukuchij kauzamunda Diosga ima juchachinash illujkuna Cristobi tukuchunmi Paidaga juchayuj shinada ruraga.

Efesios 1:12

Ñukuchidi ñaubusha Cristobi shuyagujllaguna gashkamunda, Dios k'uilla gashkada tukiguna nichunmi shina rurushka.

Efesios 1:14

Diosga Paibujllagunada kishpichingagama Paimunda japina gashkada p'aktachingudi nisha ñaubachisha kushkaga chi Espiritumi gan. Pai k'uilla gashkada nichunmi gan.

Efesios 1:18

Kangunaj yuyidash p'unllayachij shina paskachunmi mañani. Shina paskakimi kangunaga imada shuyangaj kayushka gashkadash, Dios Paibujlla gajkunamu kuna gashkaga tukida yalli k'uilla munanaidi gashkadash,

Efesios 2:7

Diosga na k'uyana gakish yallimanaidi k'uyushkada shinaidi Cristo Jesusmunda ñukuchimu alli gashkadash shamuj watagunagama rikuchingumi kashna rurashka.

Filipenses 3:9

shinaidi Paigun shujlla gangaj. Leymundaga ima juchachinash illuj rurashkaga na ganichu, ashtangarin Cristoda crijllabimi ima juchachinash illuj rurashkaga Diosmunda Paida crishkallamundami shamun.

Filipenses 4:19

Shinaki ñukaj Diosga, Pai charishka manchanai k'uillagunada, kanguna tuki ima ministishkadash Cristo Jesusmunda kunga.

Colosenses 1:13

Yanamanga shinabi purichun chaririguj podermundaga Diosmi anchuchishka shinami Paibuj k'uyashka Churi mandanamu ñukuchida pushaga.

1 Pedro 2:5

Kangunash kausuj rumiguna shina Dios Paibuj Espiritumu Kikinbuj wasida wasichishkaguna laya ganguichi, shinaidi Diosbujlla curagunami tukuna ganguichi; chimunda Jesucristomundami Dios japinalla sacrificiogunada Espíritu yuyachiki kunguichi.

1 Pedro 2:9

Shinash kangunagarin Dios agllashkagunapuramunda, Jatun Mandujbujta ruraj curaguna, Diosllamu ch'ikunyachishka llaktamundaguna, Diosbujlla gachun randishka pueblomi ganguichi. Yanamangamunda k'uitij luz shina kausimu llujshichisha kangunada Kayajmi Paibuj k'uitij rurashkagunada yachi chayachichun shina ruruga.

1 Pedro 4:11

Maijinsh parlarigushaga Diosbuj Shimigunadadi nigushka shina parlachun; maijinsh shujkunada ima allida rurushaga Dios kushka ruri pudishkan rurachun; shinakiga tuki imada rurashkabish Jesucristomunda Diostaga nishkami ganga; ima urash na tukuringama ninash tukida mandanabish ¡Paibujmi gan! Shina gachun.