Apocalipsis 6:10 - Diosbuj Shimi - Mushuj Testamento (Quichua Salasaca)

¹⁰ Chigunaga, “Tukida Manduj, jucha illuj, kabishka Dioslla, kai pachabi kausujkunadaga ñukuchida wañuchishkamunda shina layaidi rurusha ¿ima uradi llakichisha ninguiri?” nishami jinchida kaparigaguna.

Apocalipsis 6:10 Iomraidhean Croise

Lucas 2:29

“Tukida ruri Pudij Mandaj Dios, kan nishkadaga ñami p'aktachishkangui. Ñuka ñawin Kishpichijta rikushkamunda Kambujta rurajtaga kununga kushilla wañuchun sakibailla.

Lucas 21:22

Chi p'unllagunabiga manchanaidimi llakichinga. Dios parlusha escribichishka Shimigunaga tukimi p'aktunga.

Romanos 12:19

K'uyashka wauki paniguna, na allida rurukiga chillandijka ama vueltachichichu, ashtanbish Dioslladi llakichichun shuyichi. Escribichishkabiga, “Mandajka ninmi, ‘Na allida rurujkunada llakichinaga Ñukajmi kabin; Ñukami kunashkadaga kusha,’ ” ninmi.

Hebreos 12:24

mushuj ari ninukushkada mañusha kuj Jesusmu, shinaidi Abelbuj yaurdash yalli valij ñukuchij juchagunada perdonaj Mandujbuj jichashka yaurmumi kuchuyashkanguichi.

2 Pedro 2:1

nisha llagmajkunaga Israel pueblobishmi tiyaga. Shinami kangunapurabish llagmusha yachachijkuna tiyanga. Paigunaga tukuchishtaj shujtij yachachinagunada pakallawadami waiguchingaguna. Paigunada randisha kishpichij Mandujlladatikish nisha paigunallamundimi tukuchishtuj llakida ut'kada japingaguna.

Apocalipsis 11:18

Tuki llaktamundagunami manchanaidi p'iñarishkaguna, ashtanbish Kan p'iñarina p'unlla, wañushkagunada kauzayuj na kauzayuj gashkada rikuchina p'unllami chayamushka. Kan Dios nishkada parlusha sirvijkunamu, Diosbujlla linshashkagunamu, Kambuj shutida manchujkunamu, uchillagunamush, jatungunamush kumbidanada kunguimi, shinaidi kai pachada tukuchishtajkunadash tukuchishtanguimi.”

Apocalipsis 18:20

Chi puebloda tukuchishkamunda jawa pachabi kausujkunash Diosbujlla gajkunash, Dios agllushkagunash, Dios nishkada parlujkunash kushiyichi. Kangunada llakichishkamundami Diosga paidash llakichishka.”

Apocalipsis 18:24

Dios nishkada parlujkunaj, Diosbujlla gajkunaj shinaidi mashnalla kai pachabi wañuchishkagunaj yaurga chi pueblobimi gaga.

Apocalipsis 19:2

Pai llakichishkagunaga na yangamundachu, ashtangarin kabishkada rurushkami gan. Wainayashalla kausuj warmidaga juchachishka. Shina wainayashami kai pachabi kausujkunada juchabi urmachishka; shinaidi Diosbujta rurusha kausujkunada wañuchishkamundashmi chi warmidaga llakichishka.”

Apocalipsis 3:10

‘Na sakirishalla katingui’ nisha Ñuka mandushkadaga p'aktachishkangui; chimundami tuki kai pachabi kausujkuna ima laya gashkada rikungu llakichina shami p'unllabimi kangunadaga cuidasha.

Apocalipsis 3:7

“Filadelfiabi gaj iglillaj angelmush kashna nisha escribi: Rey Davidbuj llaveda Charij Ima Juchash Illuj, Kabishkada Rurujka kaidami nin, Pai paskushkadaga pish na ichki pudinchu, ichkushkadash pish na paski pudinchu.