Apocalipsis 4:9 - Diosbuj Shimi - Mushuj Testamento (Quichua Salasaca)

⁹ Ima urash na tukuribuj kausida Charij chi tiyarinabi Tiyajtaga, kausida charijkunaga nisha nigukimi,

Apocalipsis 4:9 Iomraidhean Croise

Hebreos 7:25

Chimundami Paida crisha Diosmu kuchuyajkunadaga tuki kausigama kishpichi pudin. Paigunamunda Diosta mañungu Paiga tuki ratugama kausan.

Hebreos 7:8

Kai kausibiga chungagunamunda shujta japijkunaga ima uraga wañungagunami. Shinash Dios escribichishkabiga, Melquisedecga chairijtij kausaguj gashkadami parlan.

Apocalipsis 1:18

Shinaidi Kausujmi gani. Wañugani, shinash kununga ima uragamash na tukuribuj kausidami kausani. Shinaidi wañimundash Hadesmundash paskana llavegunadaga Ñukami charini.

Apocalipsis 10:6

kai pachadash jawa pachadash, jatun yaku kuchadash, chigunabi tuki tiyajkunadash Rurujbuj, ima urash na tukurij kausida Charijbuj shutibimi nisha kashna niga: “Kununmundaga ña ashtan shuyana illunmi,

Apocalipsis 15:7

Kausida charij chuskugunamunda shujka chi kanchis angelgunamu kuri copagunada shuj shuj kuga. Chi copagunaga ima urash na tukuringama kausaj Dios manchanaidi p'iñarisha llakichinan jundadimiga.

Apocalipsis 21:5

Chi mandusha tiyarinabi Tiyagujka, “Rikichi, Ñukaga tuki ima tiyajtami mushujta rurani,” niga; shinaidi, “Ñuka nigushka shimiguna kabishka shinaidi crinalla gashkamunda escribi,” niga.

Apocalipsis 4:2

Shina ninmi Diosbuj Espíritu ñukamu shamuki jawa pachabi mandusha tiyarinada rikugani. Chibiga shujka tiyagugami.

Apocalipsis 4:8

Kausida charij chi chuskugunaga tukigunami sujta alista charigaguna, chigunabiga washamush uku ladumush ñawi lulunguna jundalladigunamiga. Tutash p'unllash paigunaga, “¡Tukida ruri pudij Manduj Diosga, Paiga jucha illuj, jucha illuj, jucha illujmi gan, sarunbish kununbish, shinaidi k'ipa p'unlla shamunash Pailladimi gan!” nigugallagunami.

Apocalipsis 5:1

Chi mandusha tiyarinabi Tiyajbuj alli ladu makibiga, shuj kururashka papelda ñaubujmush washamush escribishka, shinaidi kanchis sellogunan ichkushkada charijtami rikugani.

Apocalipsis 6:16

paigunaga urkugunada rumigunadash kashna nigaguna: “Mandusha tiyarinabi Tiyajbuj ñawimunda shinaidi Malta Oveja p'iñarisha llakichinamunda ñukuchij jawabi urmusha mitikuchibaichi.

Apocalipsis 7:15

Shinushami Dios mandusha tiyarinaj ñaubuki gasha p'unllash tutash Diosbuj wasibi Paibujta ruranguna. Paiguna imash ama tukuchun mandusha tiyarinabi Tiyajmi Paibujlla tuldushka wasibi wakichinga.