Apocalipsis 4:10 - Diosbuj Shimi - Mushuj Testamento (Quichua Salasaca)

¹⁰ ishki chunga chusku yuyijkunaga ima urash na tukuribuj kausida Charij mandanabi Tiyajbuj ñaubuki kungurisha nishaga, mandusha tiyarina ñaubujmu coronagunadash shitushami kashna nigaguna:

Apocalipsis 4:10 Iomraidhean Croise

Mateo 2:11

Chi wasimu waigushaga marada paibuj mama Mariandijta rikugaguna. Chimundami kungurisha kumurisha nisha kumbidanagunadash llujshichisha kurida inciensoda mirradash maramu kugaguna.

Lucas 24:52

Paigunaga Paida nishka k'ipaga manchanai kushiyashami Jerusalenmu kutin shamugaguna.

1 Corintios 15:10

Shinash, Dios kushka alligunamundami agllusha kachushka gani; ñukabujka Pai kushka alliguna na yanga gagachu, ashtangarin tukigunadash yalli rurugugani. Shinash ñukallaga na ruruganichu; ashtan Diosbuj ñukamu kushka alligunanmi rurugani.

Apocalipsis 10:6

kai pachadash jawa pachadash, jatun yaku kuchadash, chigunabi tuki tiyajkunadash Rurujbuj, ima urash na tukurij kausida Charijbuj shutibimi nisha kashna niga: “Kununmundaga ña ashtan shuyana illunmi,

Apocalipsis 11:16

Diosbuj ñaubuki gaj paigunaj tiyarinabi tiyuj ishki chunga chusku (24) yuyijkunami, kungurisha ñawi tuparingama kumurisha Diosta nishaga,

Apocalipsis 15:4

Mandajlla, ¿pidi Kandaga na manchungari? nishash ¿pidi na ningari? Kanllami ima juchash illuj gangui; Kan kabishkada rurushkagunada rikuchij gashkamunda tuki llaktagunamunda shamusha Kandaga ningaguna.”

Apocalipsis 15:7

Kausida charij chuskugunamunda shujka chi kanchis angelgunamu kuri copagunada shuj shuj kuga. Chi copagunaga ima urash na tukuringama kausaj Dios manchanaidi p'iñarisha llakichinan jundadimiga.

Apocalipsis 19:4

Shinaidi ishki chunga chusku (24) yuyijkunash kausida charij chuskugunandij jatun mandanabi tiyaj Diosbuj ñaubuki pambagama kumurisha kungurishami, “¡Shina gachun! ¡Aleluya!” nigaguna.

Apocalipsis 4:2

Shina ninmi Diosbuj Espíritu ñukamu shamuki jawa pachabi mandusha tiyarinada rikugani. Chibiga shujka tiyagugami.

Apocalipsis 4:4

Shinaidi mandusha tiyarina muyundijbiga ishki chunga chusku (24) mandusha tiyarinagunada rikugani, chigunabiga ishki chunga chusku yuyijkunami tiyashkaga, paigunaga yuruj churanada churushka, umabish shuj kuri coronada churushkagunami gaga.

Apocalipsis 4:9

Ima urash na tukuribuj kausida Charij chi tiyarinabi Tiyajtaga, kausida charijkunaga nisha nigukimi,

Apocalipsis 5:14

kausida charij chuskugunaga, “Shina gachun,” shinaidi ishki chunga chusku yuyijkunash kungurishaga nigugagunami.

Apocalipsis 5:8

Chi kururashkada japikiga, kausida charij chuskuguna, ishki chunga chusku (24) yuyijkunash Malta Ovejaj ñaubukimi kungurigaguna. Tukigunami tukana arpagunada charigaguna, shinaidi kuri copagunabi incienso jundadami apagaguna; chigunaga Diosbujlla gajkuna Diosta mañushkagunadami rikuchigun.

Apocalipsis 7:11

Shinaidi mandusha tiyarinaj, yuyijkunaj, kausida charij chuskugunaj muyundijbi tuki angelgunami shayagaguna. Chibimi mandusha tiyarinaj ñaubuki Diosta ningu, pambabi tuparingama kumurishaga,