Apocalipsis 19:10 - Diosbuj Shimi - Mushuj Testamento (Quichua Salasaca)

¹⁰ Shina niki paibuj ñaubukimi ningaj kungurigani; ashtanbish paiga niga: “Ama shina rurichu, ñukaga kan layaidi Jesusmunda yachi chayachishkada crisha katigujlla kambuj waukiguna layaidi Diosta sirvijlladimi gani; ashtangarin Diosta ni.” Diosbuj Espíritu parlachikimi Dios nishkada parlujkunaga Jesusmunda ashtan ashtan yachi chayachish katigunguna.

Apocalipsis 19:10 Iomraidhean Croise

Mateo 4:10

Shina nikiga Jesusga niga, “Kaimunda ri, Satanás. Diosbuj Shimibiga, ‘Kambuj Manduj Diosllada nisha Pai nishkallada rurangui,’ nishka tiyashkamunda.”

Marcos 5:22

Diosmunda yachana wasibi mandujkunapuramunda Jairo nishkaga kuchuyasha, Jesusta rikusha, Paibuj ñaubuki kungurisha kumurishaga,

Marcos 7:25

Shinami Jesús chibi gajta yachi chayunlladimi yana katishka ushiyuj mamunga Jesusmu kuchuyasha ñaubuki kungurisha kumuriga.

Lucas 1:19

Shina niki angelga, “Ñukaga Diosbuj ñaubuki Paibujta ruruj Gabrielmi gani. Paimi kanmu kai alli shimigunada parlachun kachuga.

Lucas 24:44

Chi k'ipa Jesusga, “Kangunan purishaidi kangunamu, tuki Ñukamunda Moisés mandushkabish ñauba parlujkuna parlushkabish Salmosbish escribishkaga p'aktanami ganga, nisha nishkagunada Ñuka ima tukushkaga ña p'aktachishkami,” niga.

Juan 5:39

Shinusha kangunaga Dios escribichishkagunadaga nishami alli liyusha yachagunguichi, shinash Diosbuj Shimi Ñukamunda yachi chayachigukish,

Hechos 10:43

Dios nishkada tuki parlujkunami Jesusmundaga nisha ñami parlushka,” niga.

Hechos 13:27

Jerusalenbi kausujkuna paigunada mandujkunash Jesusta pi gashkadash Dios nishkada ñauba parlujkuna escribishkada samana p'unllandi liyashkadash na yachugagunachu. Shinakish paigunalladi Jesusta wañuchichun kachasha Dios nichishkada p'aktachigaguna.

2 Corintios 8:7

Kangunagarin, ima laya tukibi yalli ganguichi: crishkabi, k'uilla rimashkabi, yachashkabi, shujkunada ayudangu munushkabi, ñukuchida llakishkabish, shinaidi kushka alligunabi kungu ashtan yalliguna gaichi.

Efesios 5:15

Shinusha kununga, imada rurashash yuyillandi rurujkuna gaichi. Na intindish nijkunama shinaga ama rurichichu, ashtan yuyisapaidijkuna gaichi.

Efesios 5:33

Shina gakish tuki kangunash kikinbuj warmidaga kikinlladi k'uyarij shina k'uyichi. Shinaidi warmigunash kusada allibi churasha kazunami gan.

Filipenses 3:3

Ñukuchimi, Diosbuj Espiritun Paida nij, Cristo Jesusbi kushiyarij, shinaidi kai aichabi rurashkagunabi na yuyida churajkuna circuncidashkagunaga ganchi.

1 Tesalonicenses 5:15

Yuyin ganguichi: maijin ima na allida rurakish ama shinalladi ruranguichichu. Chibuj randiga kangunapurabish shujkunamush p'unllandi tukigunan allida rurana yuyillan gaichi.

Hebreos 1:14

¿Nachu tuki angelgunaga Dios nishkada ruruj, shinaidi kishpichinada japinagunada ayudachun kachashkaguna gan?

Hebreos 12:25

Shinusha ñukuchimu Parlujta p'akta na kazunguichimu. Kai pachabi Dios kayashka Moisesta na kazujkunaga na mitiki pudigachu. Ñukuchigarin jawa pachamunda kayusha Rimajta na kazusha washamu vueltashaga naidi mitiki pudishunchu.

1 Juan 5:10

Diosbuj Churida crijka kai kabishka parlashkadaga kikinllabidimi charirian; Diosta na crijka Dioslladi Paibuj Churimunda yachi chayachishkada na crishkamundami Paidaga llagmamada laya rikuchishka.

1 Juan 5:21

Wawagunalla, rurushkalla dioskunamunda wakichiringuichi.

Apocalipsis 1:1

Kai pakushkagunadami Diosga Jesucristomu rikuchisha ñalla ima tukunadi gashkagunada Paibuj sirvijkunamu rikuchichun kuga, shinami Jesucristoga Paida sirvij Juanchumu yachi chayachichun Paibuj angelda kachuga.

Apocalipsis 1:9

Ñukaga kangunaj wauki Juanchumi gani. Kanguna layaidi na shaikurishalla Jesusta katigushallami kangunan igul-lladadi Diosbuj mandanabi gasha, ima llakiguna shamukish jinchida apusha purij gani. Diosbuj Shimida parlushkamunda Jesusmunda yachi chayachishkamundashmi Patmos shuti islabi gagani.

Apocalipsis 12:11

Ñukuchij wauki panigunaga Malta Ovejaj yaurda jichushkan, shinaidi paiguna Diosbuj Shimida parlushkanmi paida vincishkaguna; paigunaj kausida chingachinadash na manchushalla, wañuchikish wañunallami gagaguna.

Apocalipsis 12:17

Chimunda dragonga chi warmin manchanaidi p'iñarishaga, warmij wawagunaj wawagunan takanukungu riga. Paigunaga Dios mandushkada kazusha Jesusmunda yachi chayachishkada crisha katigujllagunami.

Apocalipsis 14:7

Chibimi jinchida kaparishaga, “Diosta manchichi nichi; ñami ima rurushkada rikusha juchachina uraska chayamushka, shinaidi jawa pachadash kai pachadash, jatun yaku kuchadash, yaku p'ugyugunadash Rurujta nichi,” niga.

Apocalipsis 15:4

Mandajlla, ¿pidi Kandaga na manchungari? nishash ¿pidi na ningari? Kanllami ima juchash illuj gangui; Kan kabishkada rurushkagunada rikuchij gashkamunda tuki llaktagunamunda shamusha Kandaga ningaguna.”

Apocalipsis 19:9

Chimunda angelga ñukada niga: “Kaida escribi: Malta Oveja kazari bodamu maijinbish kayushka gajkunaga kushichishkami ganguna.” Kaidashmi niga, “Kai nishkagunaga Diosbujti kabishka shimigunami gan.”

Apocalipsis 4:10

ishki chunga chusku yuyijkunaga ima urash na tukuribuj kausida Charij mandanabi Tiyajbuj ñaubuki kungurisha nishaga, mandusha tiyarina ñaubujmu coronagunadash shitushami kashna nigaguna: