Apocalipsis 18:11 - Diosbuj Shimi - Mushuj Testamento (Quichua Salasaca)

¹¹ Shinaidi kai pachamunda randisha k'atusha purijkunash, paiguna k'atunagunada pish ña na randinashkamunda chi pueblomunda llakirishami wakungaguna.

Apocalipsis 18:11 Iomraidhean Croise

Mateo 22:5

“Shina niki chi kayushkagunaga ima na uyash nisha, shujka paibuj achpamu, kaishujka paibuj randishkagunada k'atunamu rigaguna.

Juan 2:16

Shinaidi palomagunada k'atujkunadaga, “¡Kaimunda kaigunada anchuchichi! Ñukaj Taitaj wasidaga ama k'atuna wasida rurichichu,” niga.

2 Pedro 2:3

Paigunaga charij ganaida munasha kikin yuyashkallamunda yachachisha kangunamunda kuchkida surkungagunami. Shinagunamunga sarungunamundadi llakichishka ganaga na yalli k'ipayashalla shamungami, paigunada tukuchishtushka ganash chaki katiriagundimi.

Apocalipsis 18:15

Tuki kaigunada chi pueblobi randisha k'atusha pachun charij tukujkuna paigunash llakichishka ganada manchusha llakin wakusha karubi shayarisha

Apocalipsis 18:20

Chi puebloda tukuchishkamunda jawa pachabi kausujkunash Diosbujlla gajkunash, Dios agllushkagunash, Dios nishkada parlujkunash kushiyichi. Kangunada llakichishkamundami Diosga paidash llakichishka.”

Apocalipsis 18:23

Kambiga micha luzllash kutinga ña na p'alaningachu; novio novia kushikusha cantashkash ña na uyaringachu. Randisha k'atusha kambi kausujkunaga kai pachamundaga manchanaidi charijkunami gaga. Kanga brujushami tuki llaktabi kausujkunada pandachishkangui; chimundami shina tukunga.”

Apocalipsis 18:3

Tuki llaktagunami vinoda ubiasha machuj shina chi warmin wainayasha shingayashkaguna, kai pachada jatun mandujkunashmi chi warmin wainayashkaguna, shinaidi chi warmi pai yallimanaidi munushkada randishkamundami, randisha k'atujkunash manchanaidi charij tukugaguna,” niga.

Apocalipsis 18:9

Chi warmida rupachishka kushnida rikushaga paiyun wainayasha munushkaida rurusha kausuj kai pachada jatun mandujkunaga manchanai llakirishami wakangaguna.