Apocalipsis 17:5 - Diosbuj Shimi - Mushuj Testamento (Quichua Salasaca)

⁵ Shinaidi paibuj frentebish imadash rikuchish nij laya shutida escribishkami gaga. Chi escribishkabiga, “JATUN BABILONIA, KAISHUJ CHAISHUJKUN WAINAYAJ WARMIGUNAJ MAMA, SHINAIDI KAI PACHABI MILLANAIDI RURASHKAGUNAKISH MAMAMI,” nishkami tiyaga.

Apocalipsis 17:5 Iomraidhean Croise

Filipenses 3:19

Shina gentegunaga chingachishkami ganga. Diosta k'uyana randiga mikunallada yalli k'uyanguna, shinaidi pinganaida rurashash ashtan chiyun jatun tukunguna. Imalla kai pachabi tiyajlladami yuyanguna.

2 Tesalonicenses 2:7

Na rijsishka, na yachashka milli ruranaga paibuj rurachi pudishkan ñami rurarigun. Shinash kunun jarkagujtaga paibuj chaubimunda anchuchinallami jualtan.

Apocalipsis 1:20

Ñukaj alli ladu makibi kan rikushka luzeroguna shinaidi kurin rurashka kanchis candelerogunash kai pakashkadami yachi chayachin: Kanchis luzerogunaga kanchis pueblogunabi gaj tandanukushka crijkunaj angelgunami. Shinaidi kanchis candelerogunaga kanchis pueblobi gaj tandanukushka crijkunami.”

Apocalipsis 11:8

Chi wañushkagunadaga maibimi paigunada Manduj Jesusta chakatashka gaga, chi jatun puebloj ñangunallabidimi shitushka ganga; chi puebloga ima laya gashkada yuyachingaj Sodoma shinaidi Egipto nishkami gan.

Apocalipsis 14:8

Chi k'ipa katij shuj angelmi, “Babilonia shuti jatun puebloga ña urmashkami; chi puebloga vinoda ubiachij shina tuki llaktagunamu pai layaidi wainayachun yachachishkamunda urmashkami,” niga.

Apocalipsis 16:19

Chibimi chi jatun pueblosh kinsabi chaubiriga, tuki llaktagunabi tiyaj pueblogunash urmush tukurigami; chibimi Babilonia shuti jatun puebloda yuyarisha Pai manchanaidi p'iñarisha llakichina vinoda apashka wallumunda Diosga ubiachiga.

Apocalipsis 17:1

Kanchis copada charij kanchis angelgunapuramunda shuj ángel kuchuyamusha ñukan parlarishaga, “Kaimu shami, tauga tandanukushka jatiyakuguna jawabi tiyaguj wainayashalla purij warmida llakichinada rikuchisha.

Apocalipsis 17:2

Chi warminmi kai pachamunda jatun mandujkunaga wainayashkaguna. Kai pachabi kausujkunashmi vinoda ubiasha machuj shina chi warmin wainayasha shingayashkaguna,” niga.

Apocalipsis 17:7

Chimunda angelga, “¿Imashti mancharingui? Chi warmimundash, paida aparij kanchis umayuj chunga kachuyuj mancharibuj animalmundash pakalla tiyashkada ima nisha nigushkadaga kanmu parlusha,” niga.

Apocalipsis 18:2

Paimi jinchida kaparisha, “¡Jatun Babilonia ñami tukurishka, ñami tukurishka! Shina tukurikimi chi llaktaga yanaguna kausana tuki laya milli ayaguna tiyana pushtu, naidi mikuribuj mapa angagunaj shinaidi millanaidi animalgunaj mitikuna ut'kumi tukushka.

Apocalipsis 18:21

Shina nishka k'ipa imadash rurujlla ángel jatun kutana rumimada laya jatun yaku kuchabi markushtashami kashna niga: “Jatun pueblo Babilonia kai rumida pigushtashka layaidimi shitushka ganga. Shina rurukimi kutinga ña na rikungaguna.

Apocalipsis 19:2

Pai llakichishkagunaga na yangamundachu, ashtangarin kabishkada rurushkami gan. Wainayashalla kausuj warmidaga juchachishka. Shina wainayashami kai pachabi kausujkunada juchabi urmachishka; shinaidi Diosbujta rurusha kausujkunada wañuchishkamundashmi chi warmidaga llakichishka.”

Apocalipsis 7:3

“Ñukuchij Diosbujta rurujkunadaga ñukuchi narikish selloda frentebi churujllabidijka, kai achpada, yaku kuchada, yuragunadash ima na allidaga amarij rurichichu,” niga.